ਖ਼ਬਰਿਸਤਾਨ ਨੈੱਟਵਰਕ: ਅਮਰੀਕਾ-ਇਜ਼ਰਾਈਲ ਅਤੇ ਈਰਾਨ ਵਿਚਾਲੇ ਚੱਲ ਰਹੀ ਜੰਗ ਦਾ ਅੱਜ 26ਵਾਂ ਦਿਨ ਹੈ। ਇਸ ਦੌਰਾਨ ਈਰਾਨ ਨੇ ਸਮੁੰਦਰੀ ਮਾਰਗ ਹੋਰਮੁਜ਼ ਸਟ੍ਰੇਟ (Strait of Hormuz) ‘ਤੇ ਸਖ਼ਤ ਪਾਬੰਦੀਆਂ ਲਗਾ ਦਿੱਤੀਆਂ ਹਨ। ਈਰਾਨ ਦੀ ਇਜਾਜ਼ਤ ਤੋਂ ਬਿਨਾਂ ਹੁਣ ਕੋਈ ਵੀ ਜਹਾਜ਼ ਇਸ ਰਸਤੇ ਤੋਂ ਨਹੀਂ ਲੰਘ ਸਕਦਾ।
ਪਾਕਿਸਤਾਨ ਨੂੰ ਵੱਡਾ ਝਟਕਾ
ਅੱਜ ਕਰਾਚੀ ਜਾ ਰਹੇ ਪਾਕਿਸਤਾਨੀ ਜਹਾਜ਼ ‘ਸੇਲੇਨ’ (Selen) ਨੂੰ ਈਰਾਨੀ ਫੌਜ ਨੇ ਰੋਕ ਲਿਆ। ਈਰਾਨ ਦੇ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕਾਰਪਸ (IRGC) ਨੇ ਸਪਸ਼ਟ ਕੀਤਾ ਕਿ ਇਸ ਜਹਾਜ਼ ਕੋਲ ਲੰਘਣ ਦੀ ਇਜਾਜ਼ਤ ਨਹੀਂ ਸੀ। ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਪਾਕਿਸਤਾਨੀ ਪੀਐਮ ਸ਼ਾਹਬਾਜ਼ ਸ਼ਰੀਫ ਜੰਗ ਰੁਕਵਾਉਣ ਲਈ ਮੱਧਸਥਤਾ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਾਕਿਸਤਾਨ ਪਹਿਲਾਂ ਹੀ ਤੇਲ ਅਤੇ ਗੈਸ ਦੀ ਕਮੀ ਨਾਲ ਜੂਝਰਿਹਾ ਹੈ, ਅਜਿਹੇ ਵਿੱਚ ਜਹਾਜ਼ ਦਾ ਰੁਕਣਾ ਉਸ ਲਈ ਵੱਡੀ ਮੁਸੀਬਤ ਹੈ।
ਦੂਜੇ ਪਾਸੇ, ਭਾਰਤ ਲਈ ਇਹ ਰਸਤਾ ਖੁੱਲ੍ਹਾ ਹੈ। ਹੁਣ ਤੱਕ ਭਾਰਤ ਦੇ 5 ਤੇਲ ਅਤੇ ਐਲਪੀਜੀ ਟੈਂਕਰ ਸੁਰੱਖਿਅਤ ਤਰੀਕੇ ਨਾਲ ਹੋਰਮੁਜ਼ ਸਟ੍ਰੇਟ ਤੋਂ ਗੁਜ਼ਰ ਚੁੱਕੇ ਹਨ , ਜਗ ਵਸੰਤ , ਪਾਈਨ ਗੈਸ , ਸ਼ਿਵਾਲਿਕ , ਨੰਦਾ ਦੇਵੀ , ਜਗ ਲਾਡਕੀ ਸ਼ਾਮਲ ਹਨ। ਭਾਰਤ ਇਸ ਮੁਸ਼ਕਲ ਸਮੇਂ ਵਿੱਚ ਈਰਾਨ ਨੂੰ ਦਵਾਈਆਂ (Medicines) ਭੇਜ ਕੇ ਮਦਦ ਕਰ ਰਿਹਾ ਹੈ, ਜਿਸ ਕਾਰਨ ਦੋਵਾਂ ਦੇਸ਼ਾਂ ਦੇ ਸਬੰਧਾਂ ਵਿੱਚ ਨਰਮੀ ਦੇਖੀ ਜਾ ਰਹੀ ਹੈ।
