ਖ਼ਬਰਿਸਤਾਨ ਨੈੱਟਵਰਕ: ਜਲੰਧਰ 'ਚ ਐੱਮਪੀ ਪੁਲਿਸ ਨੇ 2 ਹਥਿਆਰ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ| MP ਪੁਲਿਸ ਟੀਮ ਨੇ ਇੱਕ ਹਫ਼ਤੇ ਤੱਕ ਜਲੰਧਰ ਦੇ ਸ਼ਾਹਕੋਟ ਵਿੱਚ ਗੰਨੇ ਦਾ ਰਸ ਵੇਚਣ ਵਾਲਾ ਅਤੇ ਰਿਕਸ਼ਾ ਚਾਲਕ ਬਣ ਮੁਲਜ਼ਮਾਂ ਤੇ ਨਿਗਰਾਨੀ ਰੱਖੀ| ਜਿਸ ਤੋਂ ਬਾਅਦ ਥਾਣਾ ਇੰਚਾਰਜ ਜੈਤਾਪੁਰ ਅਤੇ ਉਨ੍ਹਾਂ ਦੀ ਟੀਮ ਨੇ 2 ਫਰਾਰ ਮੁਲਜ਼ਮਾਂ ਨੂੰ ਭੇਸ ਬਦਲ ਕੇ ਗ੍ਰਿਫ਼ਤਾਰ ਕੀਤਾ|
2 ਹਥਿਆਰਾਂ ਸਮੇਤ ਗ੍ਰਿਫ਼ਤਾਰ
30 ਮਈ ਨੂੰ ਖਰਗੋਨ ਪੁਲਿਸ ਨੇ 2 ਹਥਿਆਰ ਤਸਕਰਾਂ ਵੀਰਪਾਲ ਸਿੰਘ ਅਤੇ ਜਗਵਿੰਦਰ ਸਿੰਘ ਨੂੰ ਗੈਰ-ਕਾਨੂੰਨੀ ਦੇਸੀ ਪਿਸਤੌਲ ਅਤੇ ਜ਼ਿੰਦਾ ਕਾਰਤੂਸਾਂ ਸਮੇਤ ਗ੍ਰਿਫ਼ਤਾਰ ਕੀਤਾ, ਪਰ ਉਸੇ ਰਾਤ ਦੋਵੇਂ ਮੁਲਜ਼ਮ ਜੈਤਾਪੁਰ ਥਾਣੇ ਤੋਂ ਫਰਾਰ ਹੋ ਗਏ। ਘਟਨਾ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ, ਐਸਪੀ ਨੇ ਇੱਕ ਵਿਸ਼ੇਸ਼ ਜਾਂਚ ਟੀਮ (ਐਸਆਈਟੀ) ਬਣਾਈ। ਜਾਂਚ ਵਿੱਚ ਖੁਲਾਸਾ ਹੋਇਆ ਹੈ ਕਿ ਦੋਵੇਂ ਮੁਲਜ਼ਮ ਆਗਰਾ-ਮੁੰਬਈ ਹਾਈਵੇਅ ਰਾਹੀਂ ਪੰਜਾਬ ਤੋਂ ਲੰਘ ਰਹੇ ਇੱਕ ਟਰੱਕ ਵਿੱਚ ਬੈਠ ਕੇ ਫਰਾਰ ਹੋ ਗਏ ਸਨ।
MP ਪੁਲਿਸ ਟੀਮ ਜਲੰਧਰ ਪਹੁੰਚੀ
ਜਾਣਕਾਰੀ ਦੇ ਆਧਾਰ 'ਤੇ, ਪੁਲਿਸ ਟੀਮ ਜਲੰਧਰ ਪਹੁੰਚੀ ਅਤੇ ਉਨ੍ਹਾਂ ਦੀ ਇੱਕ ਟੀਮ ਨੇ ਸਥਾਨਕ ਪੁਲਿਸ ਨਾਲ ਮਿਲ ਕੇ ਤਲਾਸ਼ੀ ਸ਼ੁਰੂ ਕਰ ਦਿੱਤੀ, ਜਦੋਂ ਕਿ ਦੂਜੀ ਟੀਮ ਨੇ ਭੇਸ ਬਦਲ ਕੇ ਮੁਲਜ਼ਮਾਂ ਦੀ ਰੇਕੀ ਸ਼ੁਰੂ ਕਰ ਦਿੱਤੀ। ਥਾਣਾ ਇੰਚਾਰਜ ਨੇ ਖੁਦ ਰਿਕਸ਼ਾ ਚਲਾਇਆ ਅਤੇ ਇਲਾਕੇ ਦੀ ਨਿਗਰਾਨੀ ਕੀਤੀ। ਦੂਜਾ ਪੁਲਿਸ ਵਾਲਾ ਗੰਨੇ ਦਾ ਰਸ ਵੇਚਣ ਵਾਲਾ ਬਣ ਨਜ਼ਰ ਰੱਖੀ ।