ਨੁਸਰਤ ਭਰੂਚਾ ਸੁਰੱਖਿਅਤ ਭਾਰਤ ਪਰਤ ਆਈ ਹੈ। ਕਰੀਬ 2:30 ਵਜੇ ਏਅਰਪੋਰਟ 'ਤੇ ਦੇਖਿਆ ਗਿਆ। ਨੁਸਰਤ ਕਾਫੀ ਪਰੇਸ਼ਾਨ ਨਜ਼ਰ ਆ ਰਹੀ ਸੀ। ਮੀਡੀਆ ਨੇ ਉਸ ਨੂੰ ਘੇਰ ਲਿਆ ਪਰ ਉਸ ਨੇ ਇਜ਼ਰਾਈਲ ਨਾਲ ਸਬੰਧਤ ਕੁਝ ਵੀ ਸਾਂਝਾ ਨਹੀਂ ਕੀਤਾ। ਮੀਡੀਆ ਦੇ ਸਵਾਲ 'ਤੇ ਉਨ੍ਹਾਂ ਕਿਹਾ- ਮੈਨੂੰ ਥੋੜ੍ਹਾ ਸਮਾਂ ਦਿਓ।
ਨੁਸਰਤ ਇਜ਼ਰਾਈਲ ਅਤੇ ਫਿਲਸਤੀਨ ਅੱਤਵਾਦੀ ਸਮੂਹ ਹਮਾਸ ਵਿਚਾਲੇ ਚੱਲ ਰਹੀ ਜੰਗ 'ਚ ਫਸ ਗਈ ਸੀ। ਨੁਸਰਤ ਦੀ ਟੀਮ ਨੇ ਸ਼ਨੀਵਾਰ ਦੁਪਹਿਰ 12:30 ਵਜੇ ਉਹਨਾਂ ਨਾਲ ਆਖਰੀ ਵਾਰ ਗੱਲ ਕੀਤੀ ਸੀ। ਉਦੋਂ ਤੋਂ ਉਹਨਾਂ ਨਾਲ ਜੁੜੀ ਕੋਈ ਅਪਡੇਟ ਸਾਹਮਣੇ ਨਹੀਂ ਆਈ ਹੈ। ਹਾਲਾਂਕਿ ਹੁਣ ਨੁਸਰਤ ਟੀਮ ਨਾਲ ਸੰਪਰਕ ਕਰਕੇ ਭਾਰਤ ਪਰਤ ਆਈ ਹੈ।
ਬੇਸਮੈਂਟ 'ਚ ਲੁਕੀ ਹੋਈ ਸੀ ਨੁਸਰਤ
ਨੁਸਰਤ ਦੀ ਟੀਮ ਦੇ ਇੱਕ ਮੈਂਬਰ ਨੇ ਬਿਆਨ ਜਾਰੀ ਕਰਕੇ ਕਿਹਾ ਸੀ- ਨੁਸਰਤ ਇਜ਼ਰਾਈਲ ਵਿੱਚ ਫਸ ਗਈ ਹੈ। ਉਹ 9 ਦਿਨ ਪਹਿਲਾਂ ਹਾਈਫਾ ਫਿਲਮ ਫੈਸਟੀਵਲ ਵਿੱਚ ਹਿੱਸਾ ਲੈਣ ਲਈ ਭਾਰਤ ਤੋਂ ਇਜ਼ਰਾਈਲ ਲਈ ਰਵਾਨਾ ਹੋਈ ਸੀ। ਟੀਮ ਨੇ ਕੱਲ੍ਹ ਦੁਪਹਿਰ 12:30 ਵਜੇ ਉਹਨਾਂ ਨਾਲ ਆਖਰੀ ਵਾਰ ਗੱਲ ਕੀਤੀ ਸੀ। ਗੱਲਬਾਤ ਦੌਰਾਨ ਨੁਸਰਤ ਨੇ ਦੱਸਿਆ ਸੀ ਕਿ ਉਹ ਬੇਸਮੈਂਟ 'ਚ ਲੁਕੀ ਹੋਈ ਸੀ ਅਤੇ ਸੁਰੱਖਿਅਤ ਸੀ। ਟੀਮ ਨੇ ਦੱਸਿਆ ਕਿ ਕੱਲ੍ਹ ਤੋਂ ਲੈ ਕੇ ਹੁਣ ਤੱਕ ਉਹਨਾਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ ਪਰ ਗੱਲਬਾਤ ਨਹੀਂ ਹੋ ਸਕੀ। ਉਨ੍ਹਾਂ ਦੀ ਟੀਮ ਨੁਸਰਤ ਨੂੰ ਸੁਰੱਖਿਅਤ ਭਾਰਤ ਵਾਪਸ ਲਿਆਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਸੀ। ਹਰ ਕੋਈ ਦੁਆ ਕਰ ਰਿਹਾ ਸੀ ਕਿ ਨੁਸਰਤ ਸਹੀ ਸਲਾਮਤ ਵਾਪਸ ਆ ਜਾਵੇ।
ਜੰਗ ਵਿੱਚ ਹੁਣ ਤੱਕ 230 ਫਿਲਸਤੀਨ ਅਤੇ 300 ਇਜ਼ਰਾਇਲੀ ਮਾਰੇ ਗਏ
ਇਜ਼ਰਾਈਲ 'ਤੇ ਸ਼ਨੀਵਾਰ ਸਵੇਰੇ 5 ਹਜ਼ਾਰ ਰਾਕੇਟ ਨਾਲ ਹਮਲਾ ਕੀਤਾ ਗਿਆ। ਇਹ ਹਮਲਾ ਇਜ਼ਰਾਈਲ ਨਾਲ ਲੱਗਦੇ ਵਿਵਾਦਿਤ ਗਾਜ਼ਾ ਤੋਂ ਕੀਤਾ ਗਿਆ ਸੀ। ਹਮਾਸ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਤਾਂ ਇਜ਼ਰਾਈਲ ਨੇ ਜੰਗ ਦਾ ਐਲਾਨ ਕਰ ਦਿੱਤਾ। ਹਮਲੇ ਤੋਂ ਬਾਅਦ 300 ਇਜ਼ਰਾਇਲੀ ਅਤੇ 230 ਫਿਲਸਤੀਨ ਆਪਣੀ ਜਾਨ ਗੁਆ ਚੁੱਕੇ ਹਨ। ਹਮਾਸ ਅਤੇ ਇਜ਼ਰਾਈਲ ਵਿਚਾਲੇ ਅਚਾਨਕ ਹੋਈ ਲੜਾਈ ਦੇ ਦੌਰਾਨ ਮੇਘਾਲਿਆ ਦੇ 27 ਈਸਾਈ ਸ਼ਰਧਾਲੂ ਅਤੇ ਨੇਪਾਲ ਦੇ 7 ਲੋਕ ਇਜ਼ਰਾਈਲ ਵਿੱਚ ਫਸੇ ਹੋਏ ਹਨ।
10 ਕਰੋੜ ਰੁਪਏ 'ਚ ਬਣੀ ਇਹ ਫਿਲਮ ਸਿਰਫ 51 ਲੱਖ ਰੁਪਏ ਹੀ ਕਮਾ ਸਕੀ
ਨੁਸਰਤ ਆਖਰੀ ਵਾਰ ਫਿਲਮ 'ਅਕੇਲੀ' 'ਚ ਨਜ਼ਰ ਆਈ ਸੀ। ਫਿਲਮ ਵਿੱਚ ਇਰਾਕ ਵਿੱਚ ਜੰਗ ਵਿੱਚ ਫਸੀ ਇੱਕ ਭਾਰਤੀ ਕੁੜੀ ਦੀ ਕਹਾਣੀ ਨੂੰ ਦਰਸਾਇਆ ਗਿਆ ਹੈ। ਇਹ ਲੜਕੀ 2014 ਵਿੱਚ ਇਰਾਕ ਵਿੱਚ ਚੱਲ ਰਹੇ ਘਰੇਲੂ ਯੁੱਧ ਵਿੱਚ ਫਸ ਜਾਂਦੀ ਹੈ ਅਤੇ ਉੱਥੋਂ ਭੱਜਣ ਅਤੇ ਆਪਣੀ ਜਾਨ ਬਚਾਉਣ ਦੀ ਹਰ ਸੰਭਵ ਕੋਸ਼ਿਸ਼ ਕਰਦੀ ਹੈ। ਨੁਸਰਤ ਨੇ ਇੱਕ ਭਾਰਤੀ ਕੁੜੀ ਦਾ ਕਿਰਦਾਰ ਨਿਭਾਇਆ ਹੈ। ਹੁਣ ਅਸਲ ਜ਼ਿੰਦਗੀ ਵਿਚ ਉਹ ਇਜ਼ਰਾਈਲ ਅਤੇ ਫਿਲਸਤੀਨ ਵਿਚਕਾਰ ਜੰਗ ਵਿਚ ਫਸ ਗਈ ਸੀ।