ਅੰਮ੍ਰਿਤਸਰ ਪੁਲਸ ਨੇ ਨਸ਼ੇ ਦੀ ਵੱਡੀ ਮੱਛੀ ਮਨਜੀਤ ਮੰਨਾ ਤੇ ਲਵਜੀਤ ਲਵ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਸ ਨੇ ਇਸ ਤੋਂ ਇਲਾਵਾ 3 ਹੋਰਾਂ ਨੂੰ ਵੀ ਕਾਬੂ ਕੀਤਾ ਹੈ।
ਵੱਡੀ ਮਾਤਰਾ 'ਚ ਹੈਰੋਇਨ ਤੇ ਕਾਰਾਂ ਬਰਾਮਦ
ਪੁਲਸ ਨੇ ਦੱਸਿਆ ਕਿ ਨਸ਼ਾ ਤਸਕਰਾਂ ਕੋਲੋਂ 3 ਕਿਲੋ ਹੈਰੋਇਨ ਬਰਾਮਦ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ 5.25 ਲੱਖ ਰੁਪਏ ਦੀ ਡਰੱਗ ਮਨੀ ਸਮੇਤ 3 ਕਾਰਾਂ ਫਾਰਚੂਨਰ,ਆਈ-20 ਬਰਾਮਦ, ਰਨੋਲਟ ਤੇ ਇਕ ਮੋਟਰਸਾਈਕਲ ਵੀ ਬਰਾਮਦ ਕੀਤਾ ਹੈ।
2015 ਤੋਂ ਕਰ ਰਹੇ ਨਸ਼ਾ ਤਸਕਰੀ ਦਾ ਧੰਦਾ
ਪੁਲਸ ਨੇ ਦੱਸਿਆ ਕਿ 2015 ਤੋਂ ਇਹ ਨਸ਼ਾ ਤਸਕਰੀ ਦਾ ਕੰਮ ਕਰ ਰਹੇ ਸਨ। ਪੁਰਾਣੇ ਰਿਕਾਰਡ ਵਿਚ 2021 ਨੂੰ 260 ਕਿਲੋ ਹੈਰੋਇਨ ਜ਼ਬਤ ਮਾਮਲੇ ਵਿੱਚ ਡੀਆਰਆਈ ਮੁੰਬਈ ਵਿਚ ਦੋਵੇਂ ਭਗੌੜੇ ਚੱਲੇ ਆ ਰਹੇ ਸਨ। ਇਸ ਤੋਂ ਇਲਾਵਾ 356 ਕਿਲੋ ਹੈਰੋਇਨ ਦੀ ਬਰਾਮਦਗੀ ਵਿਚ ਵੀ ਇਹ ਦੋਵੇਂ ਮੁੱਖ ਦੋਸ਼ੀ ਸਨ, ਜੋ ਅੱਜ ਤੱਕ ਪੁਲਸ ਦੇ ਹੱਥ ਨਹੀਂ ਆਏ ਸਨ। ਪੁਲਸ ਨੇ ਦੱਸਿਆ ਕਿ ਨਸ਼ਿਆਂ ਦੀ ਇਹ ਵੱਡੀਆਂ ਮੱਛੀਆਂ ਸਨ।