ਖਬਰਿਸਤਾਨ ਨੈਟਵਰਕ। ਟ੍ਰੇਲਰ ਤੇ ਟਾਈਟਲ ਟਰੈਕ ਤੋਂ ਬਾਅਦ ਲੌਂਗ ਲਾਚੀ 2 ਫਿਲਮ ਦਾ ਗੀਤ ‘ਗੁੜਤੀ’ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਐਮੀ ਵਿਰਕ-ਨੀਰੂ ਬਾਜਵਾ ਦੀ ਫਿਲਮ ਦੇ ਗੀਤ ਨੂੰ ਕਾਫੀ ਪੰਸਦ ਕੀਤਾ ਜਾ ਰਿਹਾ ਹੈ। ਦੱਸ ਦੇਈਏ ਕਿ ਜਦੋਂ ਕੋਈ ਬੱਚਾ ਜਨਮ ਲੈਂਦਾ ਹੈ ਤਾਂ ਸਭ ਤੋਂ ਪਹਿਲਾਂ ਸ਼ਹਿਦ ਚਟਾਇਆ ਜਾਂਦਾ ਹੈ ਅਤੇ ਜੋ ਵੀ ਘਰ ਵਿੱਚੋਂ ਬੱਚੇ ਨੂੰ ਸ਼ਹਿਦ ਚਟਾਉਂਦਾ ਹੈ, ਕਿਹਾ ਜਾਂਦਾ ਹੈ ਕਿ ਬੱਚੇ ਵਿੱਚ ਉਸਦੇ ਗੁਣ ਆ ਜਾਂਦੇ ਹਨ। ਇਸ ਨੂੰ ਹੀ ਗੁੜਤੀ ਕਿਹਾ ਜਾਂਦਾ ਹੈ। ਜਿਸ ਵਰਗਾ ਮਾਂ-ਬਾਪ ਬੱਚੇ ਨੂੰ ਬਣਾਉਣਾ ਚਾਹੁੰਦੇ ਨੇ ਉਸ ਦੀ ਗੁੜਤੀ ਬੱਚੇ ਨੂੰ ਦੁਆਈ ਜਾਂਦੀ ਹੈ।
ਗੀਤ ਵਿੱਚ ਮੁੰਡਾ ਕੁੜੀ ਦੀ ਸਿਫ਼ਤਾਂ ਕਰਦਾ ਪੁੱਛਦਾ ਹੈ ਕਿ ਕਿਸ ਦੀ ਗੁੜਤੀ ਮਿਲੀ ਹੈ। ਗੀਤ ਬੇਹੱਦ ਖ਼ਾਸ ਹੋਣ ਦੇ ਨਾਲ ਨਾਲ ਸਧਾਰਨ ਲਗਦਾ ਹੈ। ਗੀਤ ਰਿਲੀਜ਼ ਹੁੰਦੇ ਹੀ ਦਰਸ਼ਕਾਂ ਦੀ ਜ਼ੁਬਾਨ ‘ਤੇ ਚੜ੍ਹ ਗਿਆ ਹੈ।
ਗੀਤ ਨੂੰ ਲਿਖਣ ਦੇ ਨਾਲ ਨਾਲ ਆਪਣੀ ਆਵਾਜ਼ ਦਿੱਤੀ ਹੈ ਪਵਿੱਤਰ ਲਸੋਈ ਨੇ। ਮਿਊਜ਼ਿਕ ਦਿੱਤਾ ਹੈ ਬਲੈਕ ਵਾਇਰਸ ਨੇ। ਫਿਲਮ ਦੀ ਸਟਾਰ ਕਾਸਟ ਦੇ ਵਿੱਚ ਐਮੀ ਵਿਰਕ, ਨੀਰੂ ਬਾਜਵਾ ਤੇ ਅੰਬਰਦੀਪ ਤੋਂ ਅਲਾਵਾ ਜਸਵਿੰਦਰ ਬਰਾੜ, ਅਮਰ ਨੂਰੀ, ਗੁਰਮੀਤ ਸਾਜਨ, ਸਾਹਿਬ ਸਿੰਘ ਤੇ ਹੋਰ ਦਿੱਗਜ ਮੌਜੂਦ ਹਨ। ਫਿਲਮ ਡਰਾਮਾ, ਕਮੇਡੀ, ਰੋਮਾਂਸ ਦਾ ਸੰਪੂਰਨ ਮਿਸ਼ਰਣ ਹੋਣ ਵਾਲੀ ਹੈ। ਇਸ ਦੀ ਕਹਾਣੀ ਬੇਹੱਦ ਮਜ਼ੇਦਾਰ ਹੈ। ਕਿਵੇਂ ਹੁਣ ਇੱਕ ਪੰਜਾਬੀ ਪਰਿਵਾਰ ਮੁਸਲਿਮ ਹੋਣ ਦਾ ਨਾਟਕ ਕਰਦਾ ਹੈ ਤੇ ਕਿਵੇਂ 1947 ਦੀ ਵੰਡ ਤੋਂ ਪਹਿਲਾਂ ਵਾਲਾ ਮਾਹੌਲ ਬਣਾਇਆ ਜਾਂਦਾ ਹੈ ਨਾਲ ਹੀ ਇਹ ਵੀ ਦੇਖਣਾ ਖ਼ਾਸ ਰਹੇਗਾ ਕਿ ਇਸ ਵਾਰ ਲਾਚੀ ਨੂੰ ਕਿਹੜਾ ਲੌਂਗ ਮਿਲੇਗਾ- ਐਮੀ ਵਿਰਕ ਜਾਂ ਅੰਬਰਦੀਪ ਸਿੰਘ।
<iframe width="560" height="315" src="https://www.youtube.com/embed/sh_9Rk9E10Q" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>