ਜਲੰਧਰ ਦੇ ਮਾਡਲ ਟਾਊਨ 'ਚ ਕੰਮ ਕਰਦੀ ਔਰਤ ਨੇ ਕੀਤਾ Suicide , ਪਰਿਵਾਰ ਵਾਲਿਆਂ ਨੇ ਸਹੁਰਿਆਂ 'ਤੇ ਲਾਏ ਗੰਭੀਰ ਦੋਸ਼, ਦੇਖੋ Video
ਜਲੰਧਰ 'ਚ 6 ਸਾਲਾ ਬੱਚੀ ਦੀ ਮਾਂ ਨੇ ਘਰ 'ਚ ਪੱਖੇ ਨਾਲ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਮ੍ਰਿਤਕਾ ਦੀ ਪਛਾਣ ਮਮਤਾ ਵਜੋਂ ਹੋਈ ਹੈ ਅਤੇ ਉਹ ਸੈਦਾਂ ਗੇਟ 'ਚ ਰਹਿੰਦੀ ਸੀ। ਮ੍ਰਿਤਕਾ ਮਾਡਲ ਟਾਊਨ ਸਥਿਤ ਜੈਨ ਜਵੈਲਰ 'ਚ ਸੇਲਜ਼ ਗਰਲ ਦਾ ਕੰਮ ਕਰਦੀ ਸੀ। ਔਰਤ ਦੇ ਮਾਤਾ-ਪਿਤਾ ਨੇ ਉਸਦੇ ਪਤੀ ਸੰਦੀਪ 'ਤੇ ਕਤਲ ਦਾ ਦੋਸ਼ ਲਗਾਇਆ ਹੈ।
ਪਤੀ ਹਰ ਰੋਜ਼ ਕਰਦਾ ਸੀ ਲੜਾਈ
ਮ੍ਰਿਤਕਾ ਦੇ ਮਾਪਿਆਂ ਦਾ ਕਹਿਣਾ ਹੈ ਕਿ ਮਮਤਾ ਨੇ ਜਵਾਈ ਸੰਦੀਪ ਤੋਂ ਪਰੇਸ਼ਾਨ ਹੋ ਕੇ ਇਹ ਕਦਮ ਚੁੱਕਿਆ ਹੈ। ਕਿਉਂਕਿ ਉਹ ਕੋਈ ਕੰਮ ਨਹੀਂ ਕਰਦਾ ਸੀ ਅਤੇ ਨਸ਼ੇ ਦਾ ਆਦੀ ਸੀ। ਜਦੋਂ ਵੀ ਮਮਤਾ ਨੂੰ ਤਨਖਾਹ ਮਿਲਦੀ ਸੀ, ਉਹ ਉਸ ਨੂੰ ਕੁੱਟਦਾ ਸੀ ਅਤੇ ਉਸ ਤੋਂ ਖੋਹ ਲੈਂਦਾ ਸੀ। ਹਰ ਰੋਜ਼ ਦੋਵਾਂ ਵਿੱਚ ਲੜਾਈ ਹੁੰਦੀ ਸੀ। ਇਸ ਗੱਲ ਤੋਂ ਉਹ ਬਹੁਤ ਚਿੰਤਤ ਸੀ।
ਧੀ ਦਾ ਕੀਤਾ ਕਤਲ
ਉਸਨੇ ਅੱਗੇ ਦੱਸਿਆ ਕਿ ਦੇਰ ਰਾਤ 12.30 ਵਜੇ ਮਮਤਾ ਦੀ ਸੱਸ ਨੇ ਫੋਨ ਕੀਤਾ ਕਿ ਉਸਦੀ ਨੂੰਹ ਨੇ ਕੁਝ ਕਰ ਲਿਆ ਹੈ। ਜਦੋਂ ਅਸੀਂ ਉੱਥੇ ਪਹੁੰਚੇ ਤਾਂ ਦੇਖਿਆ ਕਿ ਸਾਡੀ ਬੇਟੀ ਦੀ ਲਾਸ਼ ਮੰਜੇ 'ਤੇ ਪਈ ਸੀ ਅਤੇ ਕਮਰੇ ਦੇ ਪੱਖੇ ਨਾਲ ਚੁੰਨੀ ਲਟਕ ਰਹੀ ਸੀ। ਜਿਸ ਤੋਂ ਸਾਫ਼ ਪਤਾ ਲੱਗਦਾ ਹੈ ਕਿ ਉਨ੍ਹਾਂ ਨੇ ਧੀ ਦਾ ਕਤਲ ਕੀਤਾ ਹੈ।
ਲਾਸ਼ ਨੂੰ ਪੋਸਟ ਮਾਰਟਮ ਲਈ ਭੇਜਿਆ
ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ। ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ 'ਚ ਰਖਵਾਇਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਮਮਤਾ ਦੇ ਪਰਿਵਾਰਕ ਮੈਂਬਰਾਂ ਦੇ ਬਿਆਨ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ।
'Jalandhar Suicide Case','Jalandhar 6 year Old Girl Mother Suicide','Jalandhar News','Jalandhar Latest News','Jalandhar Update'