ਪੰਜਾਬੀ ਫਿਲਮ 'ਨੀ ਮੈ ਸੱਸ ਕੁੱਟਨੀ 2' ਅੱਜ ਸਿਨੇਮਾਂ ਘਰਾਂ ਚ ਰਿਲੀਜ਼ ਹੋ ਗਈ ਹੈ। ਦਸ਼ਰਕਾਂ ਵੱਲੋਂ ਇਸ ਫਿਲਮ ਦੀ ਕੀਤੀ ਜਾ ਰਹੀ ਉਡੀਕ ਖਤਮ ਹੋ ਗਈ ਹੈ।
ਫਿਲਮ ਦੀ ਸਟਾਰਕਾਸਟ
ਇਸ ਫਿਲਮ ਨੂੰ ਮੋਹਿਤ ਬਨਵੈਤ ਵਲੋਂ ਲਿਖਿਆ ਤੇ ਡਾਇਰੈਕਟ ਕੀਤਾ ਗਿਆ ਹੈ। ਫਿਲਮ ਵਿੱਚ ਬਹੁਤ ਸਾਰੇ ਕਲਾਕਾਰਾਂ ਨੇ ਕੰਮ ਕੀਤਾ ਹੈ। ਇਸ ਫਿਲਮ ਚ ਅਦਾਕਾਰ ਅਨੀਤਾ ਦੇਵਗਨ, ਨਿਰਮਲ ਰਿਸ਼ੀ, ਗੁਰਪ੍ਰੀਤ ਘੁੱਗੀ, ਕਰਮਜੀਤ ਅਨਮੋਲ, ਮਹਿਤਾਬ ਵਿਰਕ, ਤਨਵੀ ਨਾਗੀ, ਹਾਰਬੀ ਸੰਘਾ, ਸ਼ਵਿੰਦਰ ਮਾਹਲ, ਨਿਸ਼ਾ ਬਾਨੋ, ਅਕਸ਼ਿਤਾ ਸ਼ਰਮਾ, ਮਲਕੀਤ ਰੌਣੀ, ਦਿਲਨੂਰ ਕੌਰ, ਅਕਾਂਕਸ਼ਾ ਸਰੀਨ, ਰੁਪਿੰਦਰ ਰੂਪੀ, ਸੁਖਵਿੰਦਰ ਰਾਜ, ਰਵਿੰਦਰ ਮੰਡ, ਅਮਰੀਨ ਭੁੱਲਰ ਤੇ ਹਰਨਿਧ ਸਿੰਘ ਹੈਰੀ ਅਹਿਮ ਕਿਰਦਾਰਾਂ ਵਿੱਚ ਨਜ਼ਰ ਆਉਣਗੇ।
ਫਿਲਮ ਨੂੰ ਲੈ ਕੇ ਅਦਾਕਾਰ ਤਨਵੀ ਨਾਗੀ ਤੇ ਡਾਇਰੈਕਟਰ ਮੋਹਿਤ ਬਨਵੈਤ ਨੇ ਆਪਣੇ- ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ। ਡਾਇਰੈਕਟਰ ਬਨਵੈਤ ਨੇ ਦੱਸਿਆ ਹੈ ਕਿ ਇਹ ਫਿਲਮ ਘਰ -ਘਰ ਤੇ ਪਿੰਡ- ਪਿੰਡ ਦੀ ਕਹਾਣੀ ਹੈ। ਇਸ ਫਿਲਮ ਵਿੱਚ ਨੂੰਹ -ਸੱਸ ਦੇ ਰਿਸ਼ਤੇ ਨੂੰ ਵਿਖਾਇਆ ਗਿਆ ਹੈ।ਇਸ ਫਿਲਮ ਵਿੱਚ ਬਹੁਤ ਸਾਰੇ ਮੁੱਦੇ ਹਨ। ਜੋ ਅਸੀਂ ਅਸਲ ਜ਼ਿੰਦਗੀ ਵਿੱਚ ਵੇਖਦੇ ਹਾਂ। ਪਹਿਲੀ ਫਿਲਮ ਨੀ ਮੈ ਸੱਸ ਕੁੱਟਣੀ ਸੁਪਰ ਡੁੱਪਰ ਹਿੱਟ ਹੋਈ ਸੀ। ਪਰ ਭਾਗ 2 ਨੂੰ ਵੀ ਸਰੋਤਿਆਂ ਵੱਲੋ ਬਹੁਤ ਪਸੰਦ ਕੀਤਾ ਜਾਵੇਗਾ।