ਮੋਹਾਲੀ ਦੇ ਡੇਰਾ ਬੱਸੀ 'ਚ ਦੋ ਹੋਮ ਗਾਰਡ ਮੁਲਾਜ਼ਮਾਂ ਨੂੰ ਟਰੱਕ ਨੇ ਦਰੜ ਦਿੱਤਾ, ਜਿਸ ਤੋਂ ਬਾਅਦ ਦੋਵਾਂ ਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਹਾਦਸਾ ਦੇਰ ਰਾਤ 3 ਵਜੇ ਵਾਪਰਿਆ।
ਇਹ ਘਟਨਾ ਡੇਰਾਬੱਸੀ ਬਰਵਾਲਾ ਰੋਡ ਦੀ ਹੈ, ਜਿਥੇ ਦੇਰ ਰਾਤ ਇਕ ਟਰੱਕ ਥੱਲੇ ਆਉਣ ਨਾਲ ਦੋ ਹੋਮ ਗਾਰਡ ਮੁਲਾਜ਼ਮਾਂ ਦੀ ਮੌਤ ਹੋ ਗਈ।
ਮ੍ਰਿਤਕਾਂ ਦੀ ਪਛਾਣ ਜਸਮੇਰ ਸਿੰਘ ਅਤੇ ਹਰੀ ਸਿੰਘ ਦੇ ਤੌਰ 'ਤੇ ਹੋਈ ਹੈ। ਦੋਵੇਂ ਹੋਮਗਾਰਡ ਪੀ.ਸੀ.ਆਰ. ਮੋਟਰਸਾਈਕਲ 'ਤੇ ਦਸ਼ਤ ਕਰ ਰਹੇ ਸਨ ਕਿ ਇਕ ਹਿਮਾਚਲ ਨੰਬਰੀ ਟਰੱਕ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਪਰ ਟਰੱਕ ਡਰਾਈਵਰ ਨੇ ਰੁਕਣ ਦੀ ਥਾਂ ਟਰੱਕ ਉਨ੍ਹਾਂ ਦੇ ਉਪਰ ਹੀ ਚਾੜ ਦਿੱਤਾ।ਇਸ ਮਗਰੋਂ ਦੋਵੇਂ ਹੋਮਗਾਰਡ ਮੁਲਾਜ਼ਮਾਂ ਦੇ ਪਰਿਵਾਰਾਂ 'ਚ ਕਾਫੀ ਰੋਸ ਪਾਇਆ ਜਾ ਰਿਹਾ ਹੈ।ਪੁਲਸ ਨੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।