ਲੁਧਿਆਣਾ ’ਚ ਇੱਕ ਦਰਦਨਾਕ ਸੜਕ ਹਾਦਸੇ ’ਚ 14 ਸਾਲਾ ਹੈਂਡਬਾਲ ਖਿਡਾਰਨ ਅੰਸ਼ਿਕਾ ਰਾਏ ਦੀ ਮੌਤ ਹੋ ਗਈ। ਹਾਦਸਾ ਜੱਸੀਆਂ ਰੋਡ ’ਤੇ ਵਾਪਰਿਆ।ਅੰਸ਼ਿਕਾ ਅਲਪਾਈਨ ਸਕੂਲ ਦੀ 9ਵੀਂ ਜਮਾਤ ਦੀ ਵਿਦਿਆਰਥਣ ਸੀ ਅਤੇ ਹੈਂਡਬਾਲ ਦੀ ਪ੍ਰੈਕਟਿਸ ਲਈ ਜਾ ਰਹੀ ਸੀ। ਉਹ ਜਲਦ ਹੀ ਬਠਿੰਡਾ ’ਚ ਹੋਣ ਵਾਲੇ ਸਟੇਟ ਲੈਵਲ ਮੈਚ ਲਈ ਜਾਣ ਵਾਲੀ ਸੀ, ਪਰ ਹਾਦਸੇ ਨੇ ਉਸਦਾ ਇਹ ਸੁਪਨਾ ਅਧੂਰਾ ਛੱਡ ਦਿੱਤਾ।
ਪੁਲਿਸ ਮੁਤਾਬਕ ਅੰਸ਼ਿਕਾ ਆਪਣੇ ਇੱਕ ਰਿਸ਼ਤੇਦਾਰ ਨਾਲ ਸਕੂਟਰੀ ’ਤੇ ਸਵਾਰ ਸੀ। ਭਲਵਾਨ ਦਾ ਢਾਬਾ ਨੇੜੇ ਸਾਹਮਣੇ ਤੋਂ ਆ ਰਹੇ ਇੱਕ ਵਾਹਨ ਅਤੇ ਇੱਟਾਂ ਨਾਲ ਲੱਦੇ ਟਰੈਕਟਰ-ਟ੍ਰੇਲਰ ਕਾਰਨ ਸਥਿਤੀ ਬਣੀ। ਅਚਾਨਕ ਬ੍ਰੇਕ ਲੱਗਣ ਦੌਰਾਨ ਅੰਸ਼ਿਕਾ ਸੰਤੁਲਨ ਗੁਆ ਬੈਠੀ ਅਤੇ ਸੜਕ ’ਤੇ ਡਿੱਗ ਗਈ।
ਇਸ ਦੌਰਾਨ ਉਹ ਟਰੈਕਟਰ-ਟ੍ਰੇਲਰ ਦੇ ਪਿਛਲੇ ਟਾਇਰ ਹੇਠਾਂ ਆ ਗਈ, ਜਿਸ ਕਾਰਨ ਉਸਨੂੰ ਗੰਭੀਰ ਸੱਟਾਂ ਲੱਗੀਆਂ।ਅੰਸ਼ਿਕਾ ਨੂੰ ਤੁਰੰਤ ਦਯਾਨੰਦ ਮੈਡੀਕਲ ਕਾਲਜ ਤੇ ਹਸਪਤਾਲ ਲਿਜਾਇਆ ਗਿਆ, ਪਰ ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ।
ਬਠਿੰਡਾ ਜਾਣ ਦਾ ਸੁਪਨਾ ਰਹਿ ਗਿਆ ਅਧੂਰਾ
ਅੰਸ਼ਿਕਾ ਦੀ ਮੌਤ ਨਾਲ ਪਰਿਵਾਰ ਅਤੇ ਸਕੂਲ ’ਚ ਸੋਗ ਦੀ ਲਹਿਰ ਹੈ। ਪਰਿਵਾਰ ਮੁਤਾਬਕ ਉਹ ਇੱਕ ਹੋਣਹਾਰ ਖਿਡਾਰਨ ਸੀ ਅਤੇ ਬਠਿੰਡਾ ਟੂਰਨਾਮੈਂਟ ਲਈ ਕਾਫੀ ਮਿਹਨਤ ਕਰ ਰਹੀ ਸੀ।ਫਿਲਹਾਲ ਪੁਲਿਸ ਨੇ CCTV ਫੁਟੇਜ ਕਬਜ਼ੇ ’ਚ ਲੈ ਲਈ ਹੈ। ਬਿਆਨਾਂ ਅਤੇ CCTV ਦੇ ਆਧਾਰ ’ਤੇ ਪੂਰੇ ਹਾਦਸੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
