ਅਬੋਹਰ ਦੇ ਧਰਮ ਨਗਰ ਵਿੱਚ ਬਾਈਕ 'ਤੇ ਜਾ ਰਹੇ ਇੱਕ ਨੌਜਵਾਨ ਦਾ ਗਲਾ ਚਾਈਨਾ ਡੋਰ ਨਾਲ ਕੱਟਿਆ ਗਿਆ। ਹਾਲਾਂਕਿ ਹਾਦਸੇ 'ਚ ਨੌਜਵਾਨ ਦੀ ਜਾਨ ਬਚ ਗਈ। ਸੀਡ ਫਾਰਮ ਪਿੰਡ ਦਾ ਰਹਿਣ ਵਾਲਾ ਕਰਨ (15) ਕਿਸੇ ਕੰਮ ਲਈ ਬਾਈਕ 'ਤੇ ਧਰਮ ਨਗਰ ਜਾ ਰਿਹਾ ਸੀ ਪਰ ਅਚਾਨਕ ਚਾਈਨਾ ਡੋਰ ਨੇ ਉਸ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ। ਇਸ ਕਾਰਨ ਉਸ ਦਾ ਗਲਾ ਬੁਰੀ ਤਰ੍ਹਾਂ ਨਾਲ ਕੱਟਿਆ ਗਿਆ। ਇਹ ਘਟਨਾ ਸ਼ੁੱਕਰਵਾਰ ਦੇਰ ਸ਼ਾਮ ਦੀ ਦੱਸੀ ਜਾ ਰਹੀ ਹੈ।
ਡਾਕਟਰ ਨੇ ਅਪਰੇਸ਼ਨ ਕਰ ਕੇ ਜਾਨ ਬਚਾਈ
ਹਾਲਾਂਕਿ ਆਸ-ਪਾਸ ਦੇ ਲੋਕ ਤੁਰੰਤ ਕਰਨ ਨੂੰ ਨੇੜੇ ਦੇ ਨਰਸਿੰਗ ਹੋਮ ਲੈ ਗਏ, ਜਿੱਥੇ ਡਾਕਟਰ ਨੇ ਅਪਰੇਸ਼ਨ ਕਰ ਕੇ ਕਰਨ ਦੀ ਜਾਨ ਬਚਾਈ। ਬਾਈਕ ਦੀ ਰਫਤਾਰ ਘੱਟ ਹੋਣ ਕਾਰਨ ਨੌਜਵਾਨ ਦੀ ਗਰਦਨ 'ਤੇ ਘੱਟ ਸੱਟ ਲੱਗੀ। ਨਹੀਂ ਤਾਂ ਵੱਡਾ ਹਾਦਸਾ ਵਾਪਰ ਸਕਦਾ ਸੀ।
ਜਲੰਧਰ 'ਚ ਚਾਈਨਾ ਡੋਰ ਨੇ ਇਕ ਬੱਚੇ ਦੀ ਜਾਨ ਲਈ
ਇਸ ਤੋਂ ਦੋ ਦਿਨ ਪਹਿਲਾਂ ਜਲੰਧਰ ਦੇ ਆਦਮਪੁਰ 'ਚ ਚਾਈਨਾ ਡੋਰ ਦੀ ਲਪੇਟ 'ਚ ਆਉਣ ਕਾਰਨ 14 ਸਾਲਾ ਬੱਚੇ ਦੀ ਮੌਤ ਹੋ ਗਈ ਸੀ ਜਦਕਿ ਉਸ ਦਾ ਦੋਸਤ ਜ਼ਖਮੀ ਹੋ ਗਿਆ ਸੀ। ਮ੍ਰਿਤਕ ਦੀ ਪਛਾਣ ਜੈਵੀਰ ਸਿੰਘ ਵਜੋਂ ਹੋਈ ਹੈ।