ਖ਼ਬਰਿਸਤਾਨ ਨੈੱਟਵਰਕ: ਫਰੀਦਾਬਾਦ ਦੇ ਇੱਕ ਘਰ 'ਚ ਏਸੀ 'ਚ ਅੱਗ ਲੱਗਣ ਕਾਰਣ ਭਿਆਨਕ ਹਾਦਸਾ ਵਾਪਰਿਆ ਹੈ । ਇਸ ਹਾਦਸੇ 'ਚ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ ਹੋ ਗਈ , ਜਦਕਿ ਇੱਕ ਦੀ ਹਾਲਤ ਗੰਭੀਰ ਹੈ, ਜਿਸ ਦਾ ਹਸਪਤਾਲ 'ਚ ਜ਼ੇਰੇ ਇਲਾਜ ਹਨ। ਜਾਣਕਾਰੀ ਅਨੁਸਾਰ ਗ੍ਰੀਨਫੀਲਡ ਕਲੋਨੀ ਵਿੱਚ ਘਰ ਦੇ ਬਾਹਰ ਲੱਗੇ ਏਸੀ ਦੇ ਆਊਟਡੋਰ ਯੂਨਿਟ ਵਿੱਚ ਅੱਗ ਲੱਗਣ ਕਾਰਨ ਹਾਦਸਾ ਵਾਪਰਿਆ।
ਪਹਿਲੀ ਮੰਜ਼ਿਲ 'ਤੇ ਏਸੀ ਲੱਗਣ ਤੋਂ ਬਾਅਦ ਫਲੈਟ ਦੇ ਅੰਦਰ ਅੱਗ ਫੈਲ ਗਈ, ਫਿਰ ਪਰਿਵਾਰ ਆਪਣੇ ਆਪ ਨੂੰ ਬਚਾਉਣ ਲਈ ਹੇਠਾਂ ਆ ਗਿਆ। ਪੌੜੀਆਂ ਵਿੱਚ ਧੂੰਆਂ ਹੋਣ ਕਾਰਨ ਇਹ ਪਰਿਵਾਰ ਦੂਜੀ ਮੰਜ਼ਿਲ 'ਤੇ ਫਸ ਗਿਆ। ਧੂੰਆਂ ਇੰਨਾ ਜ਼ਿਆਦਾ ਸੀ ਕਿ ਕਪਲ, ਧੀ ਅਤੇ ਕੁੱਤੇ ਦੀ ਅੰਦਰ ਦਮ ਘੁੱਟਣ ਕਾਰਨ ਮੌਤ ਹੋ ਗਈ। ਜਦਕਿ ਨੌਜਵਾਨ ਦੀ ਹਾਲਤ ਗੰਭੀਰ ਹੈ। ਮ੍ਰਿਤਕਾਂ ਵਿੱਚ ਪਤੀ- ਸਚਿਨ ਕਪੂਰ, ਪਤਨੀ ਰਿੰਕੂ ਅਤੇ ਧੀ ਸੁਜਾਨ ਸ਼ਾਮਲ ਹਨ। ਪੁੱਤਰ ਆਰੀਅਨ ਹਸਪਤਾਲ ਵਿੱਚ ਇਲਾਜ ਅਧੀਨ ਹੈ।
ਇਸ ਘਟਨਾ ਤੋਂ ਬਾਅਦ ਸਥਾਨਕ ਲੋਕਾਂ ਨੇ ਫਾਇਰ ਵਿਭਾਗ ਨੂੰ ਸੂਚਿਤ ਕੀਤਾ। ਸੂਚਨਾ ਮਿਲਣ ਤੋਂ ਬਾਅਦ ਫਾਇਰ ਵਿਭਾਗ ਦੀ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਅੱਗ 'ਤੇ ਕਾਬੂ ਪਾਇਆ। ਚਸ਼ਮਦੀਦਾਂ ਅਨੁਸਾਰ ਅੱਗ ਪਹਿਲੀ ਮੰਜ਼ਿਲ ਤੋਂ ਲੱਗੀ। ਉਸੇ ਸਮੇਂ, ਦੂਜੀ ਮੰਜ਼ਿਲ 'ਤੇ ਰਹਿਣ ਵਾਲੇ ਇੱਕੋ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀ ਦਮ ਘੁੱਟਣ ਕਾਰਨ ਮੌਤ ਹੋ ਗਈ।