ਗਣਤੰਤਰ ਦਿਵਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਜਲੰਧਰ 'ਚ ਪੁਲਿਸ ਨੇ ਨੋ ਡਰੋਨ ਅਤੇ ਨੋ ਫਲਾਈ ਜ਼ੋਨ ਘੋਸ਼ਿਤ ਕਰ ਕੀਤਾ ਹੈ। ਹੁਕਮ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਇਲਾਕੇ ਵਿੱਚ ਕਿਸੇ ਵੀ ਤਰ੍ਹਾਂ ਦੀਆਂ ਉੱਡਣ ਵਾਲੀਆਂ ਵਸਤੂਆਂ 'ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੈ। ਉਲੰਘਣਾ ਕਰਨ ਵਾਲਿਆਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਇਹ ਹੁਕਮ ਜਨਵਰੀ ਤੱਕ ਲਾਗੂ ਰਹੇਗਾ।
ਇਸਦੇ ਨਾਲ ਹੀ ਜਲੰਧਰ 'ਚ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਸਟੇਡੀਅਮ ਵਿਖੇ 76ਵੇਂ ਗਣਤੰਤਰ ਦਿਵਸ ਮੌਕੇ ਪੁਲਿਸ ਨੇ ਸੁਰੱਖਿਆ ਦੇ ਸਖਤ ਪ੍ਰਬੰਧ ਕੀਤੇ ਹਨ| ਸਟੇਡੀਅਮ ਦੀ ਸੁਰੱਖਿਆ ਲਈ ਪੁਲਿਸ ਨੇ ਮੁੱਖ ਸਥਾਨਾਂ ਜਿਵੇਂ ਕਿ ਜਲੰਧਰ ਬੱਸ ਸਟੈਂਡ ਅਤੇ ਆਸ-ਪਾਸ ਦੇ ਖੇਤਰਾਂ ਦੇ ਨੇੜੇ ਟ੍ਰੈਫਿਕ ਡਾਇਵਰਸ਼ਨ ਲਾਗੂ ਕੀਤਾ ਜਾਵੇਗਾ ਤਾਂ ਜੋ ਆਵਾਜਾਈ ਦੇ ਸੁਚਾਰੂ ਆਵਾਜਾਈ ਨੂੰ ਯਕੀਨੀ ਬਣਾਇਆ ਜਾ ਸਕੇ।
ਲੋਕਾਂ ਨੂੰ ਕੀਤੀ ਇਹ ਅਪੀਲ
ਟ੍ਰੈਫਿਕ ਦੀ ਸੁਰੱਖਿਆ ਅਤੇ ਨਿਰਵਿਘਨ ਪ੍ਰਵਾਹ ਨੂੰ ਯਕੀਨੀ ਬਣਾਉਣ ਲਈ, ਜਲੰਧਰ ਦੀ ਕਮਿਸ਼ਨਰੇਟ ਪੁਲਿਸ ਸਾਰੇ ਨਾਗਰਿਕਾਂ ਨੂੰ 26 ਜਨਵਰੀ 2025 ਨੂੰ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਸਟੇਡੀਅਮ ਦੇ ਨੇੜੇ ਦੇ ਰਸਤਿਆਂ ਤੋਂ ਬਚਣ ਦੀ ਅਪੀਲ ਕੀਤੀ ਹੈ। ਇਸ ਗਣਤੰਤਰ ਦਿਵਸ ਦੇ ਜਸ਼ਨ ਨੂੰ ਹਰ ਕਿਸੇ ਲਈ ਸ਼ਾਂਤੀਪੂਰਨ ਅਤੇ ਸੁਰੱਖਿਅਤ ਬਣਾਉਣ ਲਈ ਸਹਿਯੋਗ ਦੇਣ ਲਈ ਕਿਹਾ ਹੈ। ਕਿਸੇ ਵੀ ਤਰ੍ਹਾਂ ਦੀ ਮਦਦ ਲਈ ਟ੍ਰੈਫਿਕ ਪੁਲਿਸ ਦੀ ਹੈਲਪਲਾਈਨ 0181-2227296 'ਤੇ ਸੰਪਰਕ ਕਰਨ ਲਈ ਕਿਹਾ।
ਇਹ ਹਨ ਡਾਇਵਰਸ਼ਨ ਪੁਆਇੰਟ:
-ਸਮਰਾ ਚੌਕ ਤੋਂ ਨੋਕਦਰ ਮੋਗਾ ਸਾਈਡ ਲਈ ਕੋਈ ਐਂਟਰੀ ਨਹੀਂ
-ਟੀ-ਪੁਆਇੰਟ ਨਕੋਦਰ ਰੋਡ ਤੋਂ ਮਿਲਕਬਾਰ ਚੌਂਕ - ਕੋਈ ਭਾਰੀ ਵਾਹਨ ਦਾਖਲਾ ਨਹੀਂ ਹੈ
- ਨਕੋਦਰ ਰੋਡ * ਤੋਂ * ਗੁਰੂ ਨਾਨਕ ਮਿਸ਼ਨ ਚੌਕ - ਕੋਈ ਐਂਟਰੀ ਨਹੀਂ
-ਟੀ-ਪੁਆਇੰਟ ਏ.ਪੀ.ਜੇ. ਕਾਲਜ ਤੋਂ ਚੁਨਮੁਨ ਚੌਕ - ਕੋਈ ਐਂਟਰੀ ਨਹੀਂ
-ਮਸੰਦ ਚੌਂਕ ਤੋਂ ਮਿਲਕਬਾਰ ਚੌਂਕ – ਕੋਈ ਭਾਰੀ ਵਾਹਨ ਦਾਖਲ ਨਹੀਂ ਹੋਵੇਗਾ
- ਗੀਤਾ ਮਾਤਾ ਮੰਦਿਰ ਤੋਂ ਚੁਨਮੁਨ ਚੌਕ ਤੱਕ ਟ੍ਰੈਫਿਕ ਸਿਗਨਲ ਲਾਈਟਾਂ - ਕੋਈ ਐਂਟਰੀ ਨਹੀਂ
- ਪ੍ਰਤਾਪ ਪੁਰਾ ਨਕੋਦਰ ਰੋਡ ਤੋਂ ਸੀ.ਟੀ. ਇੰਸਟੀਚਿਊਟ - ਅਰਬਨ ਅਸਟੇਟ - ਕੂਲ ਰੋਡ - ਸਮਰਾ ਚੌਕ - ਕੋਈ ਐਂਟਰੀ ਨਹੀਂ
ਡਾਇਵਰਸ਼ਨ ਟਾਈਮਿੰਗ
ਡਾਇਵਰਸ਼ਨ ਟਾਈਮਿੰਗ ਸਵੇਰੇ 7:00 ਤੋਂ ਦੁਪਹਿਰ 2:00 ਵਜੇ ਤੱਕ ਦੀ ਹੈ | ਬੱਸਾਂ ਅਤੇ ਭਾਰੀ ਵਾਹਨਾਂ ਲਈ ਜਲੰਧਰ ਬੱਸ ਸਟੈਂਡ ਤੋਂ ਕਪੂਰਥਲਾ - ਪੀਏਪੀ ਚੌਕ ਅਤੇ ਕਰਤਾਰਪੁਰ ਰੋਡ ਰੂਟ ਦੀ ਵਰਤੋਂ ਕਰ ਸਕਦੇ ਹਾਂ । ਹਲਕੇ ਵਾਹਨ ਬਾਈਕ ਆਦਿ ਲਈ ਜਲੰਧਰ ਬੱਸ ਸਟੈਂਡ ਤੋਂ ਨਕੋਦਰ ਸ਼ਾਹਕੋਟ , ਸਮਰਾ ਚੌਕ , ਕੂਲ ਰੋਡ, ਟ੍ਰੈਫਿਕ ਸਿਗਨਲ ਲਾਈਟ, ਅਰਬਨ ਅਸਟੇਟ ਫੇਜ਼, ਸਿਟੀ ਇੰਸਟੀਚਿਊਟ ਵਾਇਆ ਪਿੰਡ ਪ੍ਰਤਾਪ ਪੁਰਾ ਅਤੇ ਵਡਾਲਾ ਚੌਕ , ਰਵਿਦਾਸ ਚੌਕ ਰਾਹੀਂ ਰੂਟ ਡਾਇਵਟ ਕੀਤਾ ਗਿਆ ਹੈ । ਜਲੰਧਰ ਬੱਸ ਸਟੈਂਡ ਤੋਂ ਨਕੋਦਰ-ਸ਼ਾਹਕੋਟ-ਮੋਗਾ ਤੱਕ ਟ੍ਰੈਫਿਕ ਲਈ ਪੀਏਪੀ ਚੌਕ ਤੋਂ ਰਾਮਾਮੰਡੀ ਚੌਕ, ਮੈਕਡੋਨਲਡਜ਼ , ਜਮਸ਼ੇਰ, ਨਕੋਦਰ , ਸ਼ਾਹਕੋਟ ,ਮੋਗਾ ਰੂਟ ਦੀ ਵਰਤੋਂ ਕਰ ਸਕਦੇ ਹਾਂ।
ਪਾਰਕਿੰਗ ਲਈ ਕੀਤੇ ਖਾਸ ਪ੍ਰਬੰਧ
ਪੁਲਿਸ ਵਲੋਂ ਸ਼ਹਿਰ ਭਰ ’ਚ ਸੁਰੱਖਿਆ ਦੇ ਸਖਤ ਪ੍ਰਬੰਧ ਕੀਤੇ ਗਏ ਹਨ ਤਾਂ ਜੋ ਸਮਾਰੋਹ ਦੌਰਾਨ ਆਉਣ ਵਾਲੇ ਲੋਕਾਂ ਅਤੇ ਮਹਿਮਾਨਾਂ ਨੂੰ ਕੋਈ ਸਮੱਸਿਆ ਨਾ ਹੋਵੇ। ਬੱਸ ਪਾਰਕਿੰਗ ਦੀ ਪਾਰਕਿੰਗ ਮਿਲਕਬਰ ਚੌਕ ਤੋਂ ਟੀ-ਪੁਆਇੰਟ ਨਕੋਦਰ ਰੋਡ ਤੱਕ ਸੜਕ ਦੇ ਦੋਵੇਂ ਪਾਸੇ ਅਤੇ ਸਿਟੀ ਹਸਪਤਾਲ ਚੌਕ ਤੋਂ ਗੀਤਾ ਮੰਦਰ ਚੌਕ ਤੱਕ ਸੜਕ ਦੇ ਦੋਵੇਂ ਪਾਸੇ ਪਾਰਕਿੰਗ ਦੇ ਪ੍ਰਬੰਧ ਕੀਤੇ ਗਏ ਹਨ|
ਇਸੇ ਤਰ੍ਹਾਂ ਕਾਰ ਪਾਰਕਿੰਗ ਲਈ ਮਿਲਕਬਰ ਚੌਕ ਤੋਂ ਮਸੰਦ ਚੌਕ (ਡੇਰਾ ਸਤਿਕਰਤਾਰ) ਤੱਕ ਸੜਕ ਦੇ ਦੋਵੇਂ ਪਾਸੇ , ਮਸੰਦ ਚੌਕ ਤੋਂ ਗੀਤਾ ਮੰਦਰ ਚੌਕ ਤੱਕ ਸੜਕ ਦੇ ਦੋਵੇਂ ਪਾਸੇ ਅਤੇ ਮਿਲਕਬਾਰ ਚੌਕ ਤੋਂ ਰੈੱਡ ਕਰਾਸ ਭਵਨ ਤੱਕ ਪਾਰਕਿੰਗ ਦਾ ਖਾਸ ਪ੍ਰਬੰਧ ਹੈ | ਸਿਟੀ ਹਸਪਤਾਲ ਤੋਂ ਜਵਾਹਰ ਨਗਰ ਮਾਰਕੀਟ ਤੱਕ ਸੜਕ ਦੇ ਦੋਵੇਂ ਪਾਸੇ ਦੋ-ਪਹੀਆ ਵਾਹਨਾਂ ਦੀ ਪਾਰਕਿੰਗ ਲਈ ਪ੍ਰਬੰਧ ਕੀਤਾ ਗਿਆ ਹੈ | ਪ੍ਰੈਸ ਤੇ ਮੀਡੀਆ ਦੀ ਪਾਰਕਿੰਗ ਦਾ ਪ੍ਰਬੰਧ ਸਟੇਡੀਅਮ ਦੇ ਪਿਛਲੇ ਪਾਸੇ ਕੀਤਾ ਗਿਆ ਹੈ