ਪੁਲਿਸ ਨੇ ਭਾਜਪਾ ਆਗੂ ਕੋਲੋਂ 4 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਹੈ। ਇਹ ਲੋਕ ਪੈਸੇ ਨਾਲ ਛੇ ਬੋਰੀਆਂ ਭਰ ਕੇ ਦੂਜੇ ਰਾਜਾਂ ਵਿੱਚ ਲਿਜਾਣ ਦੀ ਯੋਜਨਾ ਬਣਾ ਰਹੇ ਸਨ। ਪਰ ਅਧਿਕਾਰੀਆਂ ਨੇ ਚੇਨਈ ਦੇ ਤੰਬਰਮ ਰੇਲਵੇ ਸਟੇਸ਼ਨ 'ਤੇ ਇਨ੍ਹਾਂ ਲੋਕਾਂ ਦੀ ਜਾਂਚ ਕੀਤੀ। ਚੈਕਿੰਗ ਕਰਨ ਤੋਂ ਬਾਅਦ 4 ਵਿਅਕਤੀਆਂ ਨੂੰ ਨਕਦੀ ਸਮੇਤ ਕਾਬੂ ਕੀਤਾ ਗਿਆ।
ਲੋਕ ਸਭਾ ਚੋਣਾਂ 'ਚ ਕਰਨਾ ਸੀ ਇਸਤਮਾਲ
ਪੁਲਿਸ ਮੁਤਾਬਕ ਇਹ ਪੈਸਾ ਲੋਕ ਸਭਾ ਚੋਣਾਂ ਦੌਰਾਨ ਵਰਤਿਆ ਜਾਣਾ ਸੀ। ਮੁਲਜ਼ਮਾਂ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਸ਼ੁਰੂਆਤੀ ਪੁੱਛਗਿੱਛ ਤੋਂ ਪਤਾ ਲੱਗਾ ਹੈ ਕਿ ਇਹ ਕੰਮ ਤਿਰੂਨੇਲਵੇਲੀ ਭਾਜਪਾ ਉਮੀਦਵਾਰ ਨਈਨਾਰ ਨਾਗੇਂਦਰਨ ਦੀ ਟੀਮ ਦੇ ਇਸ਼ਾਰੇ 'ਤੇ ਕੀਤਾ ਜਾ ਰਿਹਾ ਸੀ।
ਦੱਖਣ 'ਚ ਮਜ਼ਬੂਤ ਬਣਨਾ ਚਾਹੁੰਦੀ ਭਾਜਪਾ
ਤਾਮਿਲਨਾਡੂ ਵਿੱਚ ਕੁੱਲ 39 ਲੋਕ ਸਭਾ ਸੀਟਾਂ ਹਨ। ਭਾਜਪਾ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ 'ਚ ਦੱਖਣੀ ਭਾਰਤ 'ਚ ਆਪਣੇ ਪ੍ਰਦਰਸ਼ਨ 'ਚ ਸੁਧਾਰ ਕਰਨਾ ਚਾਹੁੰਦੀ ਹੈ। ਭਾਜਪਾ ਦੀ ਦੱਖਣ ਦੇ ਇੱਕ ਵੀ ਰਾਜ ਵਿੱਚ ਸੱਤਾ ਵਿੱਚ ਨਹੀਂ ਹੈ। ਇਸ ਤੋਂ ਇਲਾਵਾ, ਤਾਮਿਲਨਾਡੂ ਵਿੱਚ, ਕਾਂਗਰਸ ਡੀਐਮਕੇ ਦੇ ਨਾਲ ਸਰਕਾਰ ਵਿੱਚ ਹੈ, ਜਦੋਂ ਕਿ ਤੇਲੰਗਾਨਾ ਅਤੇ ਕਰਨਾਟਕ ਵਿੱਚ, ਕਾਂਗਰਸ ਸਰਕਾਰ ਹੈ।