ਉੱਤਰ ਪ੍ਰਦੇਸ਼ 'ਚ 15 ਅਤੇ 20 ਨਵੰਬਰ ਨੂੰ ਸਕੂਲ ਬੰਦ ਰਹਿਣਗੇ। ਯੂਪੀ ਉਪ ਚੋਣ ਨੂੰ ਧਿਆਨ ਵਿੱਚ ਰੱਖਦਿਆਂ 13 ਨਵੰਬਰ ਨੂੰ ਛੁੱਟੀ ਦਿੱਤੀ ਗਈ ਸੀ ਪਰ ਚੋਣਾਂ ਦੀ ਤਰੀਕ ਬਦਲਣ ਤੋਂ ਬਾਅਦ ਇਹ ਛੁੱਟੀ 20 ਨਵੰਬਰ ਨੂੰ ਹੋਵੇਗੀ। 15 ਨਵੰਬਰ ਨੂੰ ਕਾਰਤਿਕ ਪੂਰਨਿਮਾ ਹੈ। ਇਸ ਦਿਨ ਸਕੂਲਾਂ 'ਚ ਵੀ ਛੁੱਟੀ ਰਹੇਗੀ । ਯੂਪੀ 'ਚ ਪਿਛਲੇ ਕੁੱਝ ਦਿਨਾਂ ਵਿੱਚ ਕਈ ਛੁੱਟੀਆਂ ਦਾ ਐਲਾਨ ਕੀਤਾ ਗਿਆ ਹੈ।
ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਉਪ ਚੋਣ ਲਈ 20 ਨਵੰਬਰ ਨੂੰ ਵੋਟਿੰਗ ਹੋਣੀ ਹੈ। ਇਸ ਦੇ ਮੱਦੇਨਜ਼ਰ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ। ਇਸ ਸਬੰਧੀ ਸਾਰੇ ਵਿਭਾਗਾਂ ਦੇ ਮੁਖੀਆਂ ਨੂੰ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ ਕਿ ਅਜਿਹੇ ਸਾਰੇ ਕਰਮਚਾਰੀ ਜੋ ਇਸ ਉਪ ਚੋਣ ਵਿੱਚ ਡਿਊਟੀ 'ਤੇ ਹਨ, ਨੂੰ ਉਸ ਦਿਨ ਆਮ ਕੰਮਕਾਜ ਤੋਂ ਦੂਰ ਰੱਖਿਆ ਜਾਵੇ। ਤਾਂ ਜੋ ਉਹ ਵੋਟਿੰਗ ਪੂਰੀ ਕਰ ਸਕਣ।
ਇਨ੍ਹਾਂ ਜ਼ਿਲ੍ਹਿਆਂ 'ਚ ਸਕੂਲ ਰਹਿਣਗੇ ਬੰਦ
ਦੱਸ ਦੇਈਏ ਕਿ ਯੂਪੀ ਦੇ ਸਾਰੇ ਸਕੂਲ 20 ਨਵੰਬਰ ਨੂੰ ਬੰਦ ਨਹੀਂ ਰਹਿਣਗੇ। ਉਨ੍ਹਾਂ ਜ਼ਿਲ੍ਹਿਆਂ 'ਚ ਸਕੂਲ ਸਿਰਫ਼ ਬੰਦ ਰਹਿਣਗੇ ਜਿੱਥੇ ਚੋਣਾਂ ਹੋਣਗੀਆਂ। ਜਿਨ੍ਹਾਂ ਜ਼ਿਲ੍ਹਿਆਂ ਵਿੱਚ ਛੁੱਟੀ ਹੋਵੇਗੀ, ਉਨ੍ਹਾਂ 'ਚ ਅੰਬੇਡਕਰਨਗਰ, ਮੈਨਪੁਰੀ, ਮੁਜ਼ੱਫਰਨਗਰ, ਗਾਜ਼ੀਆਬਾਦ, ਮਿਰਜ਼ਾਪੁਰ, ਕਾਨਪੁਰ ਸ਼ਹਿਰ, ਅਲੀਗੜ੍ਹ, ਪ੍ਰਯਾਗਰਾਜ ਅਤੇ ਮੁਰਾਦਾਬਾਦ ਸ਼ਾਮਲ ਹਨ।