ਖਬਰਿਸਤਾਨ ਨੈੱਟਵਰਕ- ਕੈਨੇਡਾ ਵਿਚ ਇਕ ਪੰਜਾਬੀ ਨੌਜਵਾਨ ਦੇ ਲਾਪਤਾ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਨੌਜਵਾਨ ਮੋਗਾ ਦੇ ਪਿੰਡ ਹਿੰਮਤਪੁਰਾ ਦਾ ਦੱਸਿਆ ਜਾ ਰਿਹਾ ਹੈ। ਜਾਣਕਾਰੀ ਅਨੁਸਾਰ 23 ਸਾਲਾਂ ਨਵਦੀਪ ਸਿੰਘ ਦੀ ਕਾਰ ਸਰੀ ਨਹਿਰ ‘ਚ ਡਿੱਗ ਗਈ ਸੀ, ਜਿਸ ਦੇ ਬਾਅਦ ਤੋਂ ਉਹ ਲਾਪਤਾ ਹੈ।
ਦੋਸਤਾਂ ਨਾਲ ਕੈਂਪਿੰਗ ਤੇ ਗਿਆ ਸੀ
ਹਾਦਸੇ ਦੌਰਾਨ ਨਵਦੀਪ ਦੇ ਨਾਲ 3 ਹੋਰ ਦੋਸਤ ਕਾਰ ਵਿਚ ਸਵਾਰ ਸਨ, ਜੋ ਕਿ ਕਿਸੇ ਤਰ੍ਹਾਂ ਨਹਿਰ ਚੋਂ ਬਾਹਰ ਆ ਗਏ। ਪਰ ਨਵਦੀਪ ਗੱਡੀ ਸਣੇ ਹੀ ਨਹਿਰ ‘ਚ ਰੁੜ ਗਿਆ। ਸਰੀ ਪੁਲਸ ਤੇ ਰੈਸਕਿਊ ਟੀਮਾਂ ਨਵਦੀਪ ਦੀ ਭਾਲ ‘ਚ ਜੁਟੀਆਂ ਗੋਈਆਂ ਹਨ ਪਰ ਅਜੇ ਤੱਕ ਕੁਝ ਪਤਾ ਨਹੀਂ ਲੱਗ ਸਕਿਆ। ਦੱਸ ਦੇਈਏ ਕਿ ਨਵਦੀਪ ਸਿੰਘ ਆਪਣੇ ਤਿੰਨ ਦੋਸਤਾਂ ਦੇ ਨਾਲ ਕੈਂਪਿੰਗ ਲਈ ਗਿਆ ਹੋਇਆ ਸੀ।
ਕਾਰ ਅਚਾਨਕ ਹੋਈ ਕੰਟਰੋਲ ਤੋਂ ਬਾਹਰ
ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਕੈਂਪਿੰਗ ਤੋਂ ਵਾਪਸੀ ਦੌਰਾਨ ਉਨ੍ਹਾਂ ਦੀ ਕਾਰ ਅਚਾਨਕ ਕੰਟਰੋਲ ਤੋਂ ਬਾਹਰ ਹੋ ਗਈ। ਇਸ ਤੋਂ ਬਾਅਦ ਸਰੀ ਦੀ ਇੱਕ ਨਹਿਰ ਵਿੱਚ ਕਾਰ ਡਿੱਗ ਗਈ। ਹਾਦਸੇ ਸਮੇਂ ਨਵਦੀਪ ਦੇ ਨਾਲ ਹੋਰ ਤਿੰਨ ਦੋਸਤ ਵੀ ਕਾਰ ਵਿੱਚ ਸਵਾਰ ਸਨ, ਜੋ ਕਿਸੇ ਤਰ੍ਹਾਂ ਆਪਣੀ ਜਾਨ ਬਚਾ ਕੇ ਨਹਿਰ ਵਿਚੋਂ ਬਾਹਰ ਨਿਕਲ ਆਏ ਪਰ ਨਵਦੀਪ ਸਿੰਘ ਗੱਡੀ ਸਮੇਤ ਹੀ ਵਹਿ ਗਿਆ।
ਕੈਨੇਡਾ ਦੀ ਸਰੀ ਪੁਲਿਸ ਅਤੇ ਰੈਸਕਿਊ ਟੀਮਾਂ ਪਿਛਲੇ ਕਈ ਘੰਟਿਆਂ ਤੋਂ ਨਵਦੀਪ ਦੀ ਭਾਲ ਕਰ ਰਹੀਆਂ ਹਨ। ਇਸ ਖਬਰ ਦੇ ਨਾਲ ਪਰਿਵਾਰ ਅਤੇ ਪਿੰਡ ‘ਚ ਸੋਗ ਦਾ ਮਾਹੌਲ ਹੈ।