ਮਹਾਂਕੁੰਭ ਮੇਲੇ ਵਿਚ ਕਰੋੜਾਂ ਸ਼ਰਧਾਲੂ ਹਰ ਰੋਜ਼ ਆਸਥਾ ਦੀ ਡੁਬਕੀ ਲਾ ਰਹੇ ਹਨ। ਅੱਜ ਮਹਾਂਕੁੰਭ ਦਾ 15ਵਾਂ ਦਿਨ ਹੈ। ਸਵੇਰੇ 10 ਵਜੇ ਤੱਕ, 53.29 ਲੱਖ ਤੋਂ ਵੱਧ ਸ਼ਰਧਾਲੂ ਇਸ਼ਨਾਨ ਕਰ ਚੁੱਕੇ ਸਨ। ਹੁਣ ਤੱਕ 13.74 ਕਰੋੜ ਤੋਂ ਵੱਧ ਸ਼ਰਧਾਲੂ ਇਸ਼ਨਾਨ ਕਰ ਚੁੱਕੇ ਹਨ। ਅੱਜ ਮਹਾਂਕੁੰਭ ਵਿੱਚ ਇੱਕ ਧਾਰਮਿਕ ਸੰਸਦ ਬੁਲਾਈ ਗਈ ਹੈ। ਇਸ ਵਿੱਚ ਸਨਾਤਨ ਬੋਰਡ ਦੇ ਗਠਨ ਦਾ ਐਲਾਨ ਕੀਤਾ ਜਾਵੇਗਾ। ਚਾਰੇ ਸ਼ੰਕਰਾਚਾਰੀਆ, 13 ਅਖਾੜੇ ਅਤੇ ਹਜ਼ਾਰਾਂ ਸਾਧੂ ਅਤੇ ਸੰਤ ਇਸ ਫੈਸਲੇ ਨੂੰ ਮਨਜ਼ੂਰੀ ਦੇਣਗੇ। ਦੇਸ਼ ਭਰ ਦੇ 200 ਵੱਡੇ ਮੰਦਰਾਂ ਨੂੰ ਸਨਾਤਨ ਬੋਰਡ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਪ੍ਰਧਾਨ, ਜਨਰਲ ਸਕੱਤਰ ਅਤੇ ਗਾਈਡੈਂਸ ਬੋਰਡ ਸਮੇਤ ਸਾਰੇ ਅਹੁਦੇਦਾਰਾਂ ਦੀ ਚੋਣ ਕੀਤੀ ਗਈ ਹੈ।
ਸਾਰੇ ਘਾਟਾਂ 'ਤੇ ਕਿਸ਼ਤੀਆਂ ਦਾ ਸੰਚਾਲਨ ਬੰਦ
ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅੱਜ ਮਹਾਂਕੁੰਭ ਵਿਖੇ ਸੰਗਮ ਵਿੱਚ ਇਸ਼ਨਾਨ ਕਰਨ ਲਈ ਪਹੁੰਚਣਗੇ। ਉਨ੍ਹਾਂ ਦੇ ਨਾਲ, ਸੀਐਮ ਯੋਗੀ ਅਤੇ ਕਈ ਕੇਂਦਰੀ ਮੰਤਰੀ ਵੀ ਡੁਬਕੀ ਲਗਾਉਣਗੇ। ਸਵੇਰ ਤੋਂ ਹੀ ਸਾਰੇ ਘਾਟਾਂ 'ਤੇ ਕਿਸ਼ਤੀਆਂ ਦਾ ਸੰਚਾਲਨ ਬੰਦ ਕਰ ਦਿੱਤਾ ਗਿਆ ਹੈ।
ਪੁਲਾੜ ਤੋਂ ਮਹਾਂਕੁੰਭ ਮੇਲੇ ਦੀਆਂ ਤਸਵੀਰਾਂ
ਨਾਸਾ ਦੇ ਪੁਲਾੜ ਯਾਤਰੀ ਡਾਨ ਪੇਟਿਟ ਨੇ X 'ਤੇ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ISS) ਤੋਂ ਮਹਾਂਕੁੰਭ ਦੀਆਂ 2 ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਪੁਲਾੜ ਤੋਂ ਆਈਆਂ ਤਸਵੀਰਾਂ ਵਿੱਚ, ਧਰਤੀ ਉੱਤੇ ਸਿਰਫ਼ ਮਹਾਂਕੁੰਭ ਹੀ ਰੌਸ਼ਨੀਆਂ ਨਾਲ ਚਮਕਦਾ ਦਿਖਾਈ ਦੇ ਰਿਹਾ ਹੈ।
ਮਹਾਂਕੁੰਭ ਮੇਲਾ 26 ਫਰਵਰੀ ਤੱਕ ਜਾਰੀ ਰਹੇਗਾ
ਤੁਹਾਨੂੰ ਦੱਸ ਦੇਈਏ ਕਿ ਮਹਾਂਕੁੰਭ ਦੁਨੀਆ ਦੇ ਸਭ ਤੋਂ ਵੱਡੇ ਅਤੇ ਸਭ ਤੋਂ ਮਹੱਤਵਪੂਰਨ ਧਾਰਮਿਕ ਇਕੱਠਾਂ ਵਿੱਚੋਂ ਇੱਕ ਹੈ। ਇਹ ਭਾਰਤ ਵਿੱਚ ਹਰ 12 ਸਾਲਾਂ ਬਾਅਦ ਚਾਰ ਥਾਵਾਂ ਵਿੱਚੋਂ ਕਿਸੇ ਇੱਕ 'ਤੇ ਆਯੋਜਿਤ ਕੀਤਾ ਜਾਂਦਾ ਹੈ ਤੇ ਮਹਾਕੁੰਭ 144 ਸਾਲਾਂ ਬਾਅਦ ਮੇਲਾ ਲੱਗਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਹਾਂਕੁੰਭ ਮੇਲਾ 13 ਜਨਵਰੀ ਨੂੰ ਸ਼ੁਰੂ ਹੋਇਆ ਸੀ ਅਤੇ 26 ਫਰਵਰੀ ਤੱਕ ਜਾਰੀ ਰਹੇਗਾ।
ਮਹੱਤਵਪੂਰਨ 'ਸਨਾਨ' ਤਾਰੀਖਾਂ
29 ਜਨਵਰੀ (ਮੌਨੀ ਅਮਾਵਸਿਆ - ਦੂਜਾ ਸ਼ਾਹੀ ਇਸ਼ਨਾਨ)
3 ਫਰਵਰੀ (ਬਸੰਤ ਪੰਚਮੀ - ਤੀਜਾ ਸ਼ਾਹੀ ਇਸ਼ਨਾਨ)
12 ਫਰਵਰੀ (ਮਾਘੀ ਪੂਰਨਿਮਾ)
26 ਫਰਵਰੀ (ਮਹਾ ਸ਼ਿਵਰਾਤਰੀ)।