ਲੁਧਿਆਣਾ 'ਚ ਦਿਨ-ਬ-ਦਿਨ ਲੁੱਟ-ਖੋਹਾਂ ਦੀਆਂ ਘਟਨਾਵਾਂ ਵੱਧਦੀਆਂ ਜਾ ਰਹੀਆਂ ਹਨ । ਅੱਜ ਤਾਜ਼ਾ ਮਾਮਲਾ ਫ਼ਿਰੋਜ਼ਪੁਰ ਰੋਡ ਪੀਏਯੂ ਦੇ ਸਾਹਮਣੇ ਤੋਂ ਆਇਆ ਹੈ। ਰੋਡ 'ਤੇ ਸਥਿਤ ਇੱਕ ਵਰਕਸ਼ਾਪ ਦਾ ਮਾਲਕ ਜਦੋਂ ਸਵੇਰੇ ਫਰਸ਼ ਦੀ ਸਫ਼ਾਈ ਕਰ ਰਿਹਾ ਸੀ ਤਾਂ ਇੱਕ ਬਦਮਾਸ਼ ਉਸਦੀ ਚੇਨ ਖਿੱਚ ਕੇ ਫਰਾਰ ਹੋ ਗਿਆ। ਹਾਲਾਂਕਿ ਇਹ ਘਟਨਾ ਨੇੜੇ ਹੀ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਗਈ।
ਮੌਕੇ ਤੋਂ ਫਰਾਰ ਹੋਏ ਦੋਸ਼ੀ
ਜਾਣਕਾਰੀ ਦਿੰਦਿਆਂ ਕੇਵਲ ਸਿੰਘ ਗਰੇਵਾਲ ਨੇ ਦੱਸਿਆ ਕਿ ਜਿਸ ਸਮੇਂ ਉਹ ਸੜਕ ਦੀ ਸਫ਼ਾਈ ਕਰ ਰਹੇ ਸਨ, ਉਸ ਸਮੇਂ ਆਵਾਜਾਈ ਚੱਲ ਰਹੀ ਸੀ। ਇਸੇ ਦੌਰਾਨ ਉਸ ਦੇ ਪਿੱਛੇ ਤੋਂ ਬਦਮਾਸ਼ ਆਇਆ ਅਤੇ ਸੋਨੇ ਦੀ ਚੇਨ ਖਿੱਚ ਕੇ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਪੀੜਤ ਨੇ ਦੱਸਿਆ ਕਿ ਉਸ ਦੀ ਚੇਨ ਦਾ ਭਾਰ ਡੇਢ ਤੋਲੇ ਦੇ ਕਰੀਬ ਸੀ।
5 ਸਾਲ ਪਹਿਲਾਂ ਕੈਨੇਡਾ ਤੋਂ ਆਇਆ ਸੀ ਵਾਪਸ
ਪੀੜਤ ਨੇ ਦੱਸਿਆ ਕਿ ਉਹ ਕਰੀਬ 5 ਸਾਲ ਪਹਿਲਾਂ ਕੈਨੇਡਾ ਤੋਂ ਵਾਪਸ ਆਇਆ ਸੀ। ਇੱਥੇ ਉਹ ਕਾਰਾਂ ਧੋਣ ਆਦਿ ਦਾ ਕੰਮ ਕਰਦਾ ਹੈ। ਵਰਕਸ਼ਾਪ ਦੇ ਕਾਰੀਗਰ ਲੇਟ ਆਉਂਦੇ ਹਨ। ਪਹਿਲਾਂ ਉਹ ਖੁਦ ਹੀ ਝਾੜੂ ਮਾਰ ਕੇ ਸਾਫ -ਸਫਾਈ ਕਰ ਰਿਹਾ ਸੀ ਤਾਂ ਇਸੇ ਦੌਰਾਨ ਬਦਮਾਸ਼ ਉਸ ਦੀ ਚੇਨ ਖੋਹ ਕੇ ਲੈ ਗਏ।