ਜਲੰਧਰ ਸ਼ਹਿਰ 'ਚ ਚੋਰਾਂ ਦਾ ਆਤੰਕ ਦਿਨੋ ਦਿਨ ਵੱਧਦਾ ਜਾ ਰਿਹਾ ਹੈ। ਸ਼ਹਿਰ ਵਿੱਚ ਨਿੱਤ ਦਿਨ ਚੋਰੀ ਦੀਆਂ ਘਟਨਾਵਾਂ ਆਮ ਹੋ ਗਈਆਂ ਹਨ। ਜਲੰਧਰ ਦੇ ਮਿੱਠਾਪੁਰ ਦੇ ਮੱਖਣ ਸ਼ਾਹ ਲੁਭਾਣਾ ਨਗਰ 'ਚ 'ਆਪ' ਆਗੂ ਰੂਬਲ ਸੰਧੂ ਦੇ ਘਰੋਂ ਚੋਰਾਂ ਨੇ ਬੱਚੇ ਦਾ ਸਾਈਕਲ ਚੋਰੀ ਕਰ ਲਿਆ।
ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ
ਇਹ ਸਾਰੀ ਘਟਨਾ ਘਰ ਵਿੱਚ ਲੱਗੇ ਸੀਸੀਟੀਵੀ ਵਿੱਚ ਕੈਦ ਹੋ ਗਈ। ‘ਆਪ’ ਆਗੂ ਜਿਸ ਦੇ ਘਰੋਂ ਚੋਰਾਂ ਨੇ ਪਹਿਲਾਂ ਇੱਕ ਕੁੱਤਾ ਵੀ ਚੋਰੀ ਕੀਤਾ ਸੀ। ਰੂਬਲ ਸੰਧੂ ਨੇ ਇਸ ਸਬੰਧੀ ਥਾਣਾ-7 ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ।
ਮੰਗਲਵਾਰ ਰਾਤ ਦੀ ਘਟਨਾ
'ਆਪ' ਆਗੂ ਰੂਬਲ ਸੰਧੂ ਨੇ ਦੱਸਿਆ ਕਿ ਮੰਗਲਵਾਰ ਦੇਰ ਰਾਤ ਚੋਰ ਉਨ੍ਹਾਂ ਦੇ ਘਰ 'ਚ ਦਾਖਲ ਹੋਇਆ। ਜਿਸ ਨੇ ਆਪਣਾ ਮੂੰਹ ਕੱਪੜੇ ਨਾਲ ਢੱਕਿਆ ਹੋਇਆ ਸੀ। ਚੋਰੀ ਦਾ ਪਤਾ ਸਵੇਰੇ ਲੱਗਾ। ਜਦੋਂ ਸਾਈਕਲ ਅੰਦਰ ਨਹੀਂ ਸੀ। ਚੋਰ ਬੜੀ ਆਸਾਨੀ ਨਾਲ ਸਾਈਕਲ ਚੋਰੀ ਕਰਕੇ ਘਰ ਦੀ ਕੰਧ ਟੱਪ ਕੇ ਫਰਾਰ ਹੋ ਗਏ।
ਘਰੋਂ ਕੁੱਤਾ ਵੀ ਚੋਰੀ
ਸੰਧੂ ਨੇ ਅੱਗੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਵੀ ਪੁਲਿਸ ਕੋਲ ਕੁੱਤਿਆਂ ਦੀ ਚੋਰੀ ਦੀ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ। ਜਿਸ 'ਤੇ ਹੁਣ ਤੱਕ ਕੋਈ ਕਾਰਵਾਈ ਨਹੀਂ ਹੋਈ ਅਤੇ ਨਾ ਹੀ ਕੋਈ ਚੋਰ ਫੜਿਆ ਗਿਆ ਹੈ।