ਖ਼ਬਰਿਸਤਾਨ ਨੈੱਟਵਰਕ: ਅਫਗਾਨਿਸਤਾਨ 'ਚ ਐਤਵਾਰ ਰਾਤ ਨੂੰ 6.0 ਤੀਬਰਤਾ ਦਾ ਭੂਚਾਲ ਆਉਣ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ। ਭੂਚਾਲ ਨੇ ਕਾਰਣ ਪੂਰੇ ਮੁਲਕ 'ਚ ਤਬਾਹੀ ਮਚੀ ਹੈ। ਇਹ ਹਾਦਸੇ 'ਚ 1124 ਲੋਕ ਮਾਰੇ ਗਏ ਅਤੇ 3250 ਤੋਂ ਵੱਧ ਜ਼ਖਮੀ ਹੋ ਗਏ। ਜਿਨ੍ਹਾਂ ਨੂੰ ਏਅਰ ਐਂਬੂਲੈਂਸ ਰਾਹੀਂ ਹਸਪਤਾਲ ਪਹੁੰਚਾਇਆ ਗਿਆ ਹੈ। ਪ੍ਰਧਾਨ ਮੰਤਰੀ ਮੋਦੀ ਨੇ ਵੀ ਅਫਗਾਨਿਸਤਾਨ ਵਿੱਚ ਆਏ ਭੂਚਾਲ 'ਤੇ ਦੁੱਖ ਪ੍ਰਗਟ ਕੀਤਾ ਸੀ।
ਅਫਗਾਨਿਸਤਾਨ ਦੀ ਤਾਲਿਬਾਨ ਸਰਕਾਰ ਨੇ ਭੂਚਾਲ ਤੋਂ ਬਾਅਦ ਦੁਨੀਆ ਭਰ ਤੋਂ ਮਦਦ ਮੰਗੀ ਹੈ। ਰਾਇਟਰਜ਼ ਨਾਲ ਗੱਲ ਕਰਦੇ ਹੋਏ, ਤਾਲਿਬਾਨ ਸਿਹਤ ਮੰਤਰਾਲੇ ਦੇ ਬੁਲਾਰੇ ਸ਼ਰਾਫਤ ਜ਼ਮਾਨ ਨੇ ਕਿਹਾ, ਸਾਨੂੰ ਮਦਦ ਦੀ ਲੋੜ ਹੈ। ਭੂਚਾਲ ਕਾਰਨ ਬਹੁਤ ਸਾਰੇ ਲੋਕਾਂ ਦੀਆਂ ਜਾਨਾਂ ਗਈਆਂ ਹਨ, ਬਹੁਤ ਸਾਰੇ ਘਰ ਤਬਾਹ ਹੋ ਗਏ ਹਨ। ਇਸ ਤਬਾਹੀ ਨੇ ਅਫਗਾਨਿਸਤਾਨ ਦੀ ਮੁਸੀਬਤ ਨੂੰ ਹੋਰ ਵਧਾ ਦਿੱਤਾ ਹੈ। ਇੱਥੇ ਵਿਦੇਸ਼ੀ ਸਹਾਇਤਾ ਪਹਿਲਾਂ ਹੀ ਉਪਲਬਧ ਨਹੀਂ ਹੈ, ਜਿਸ ਕਾਰਨ ਦੇਸ਼ ਵਿੱਚ ਆਰਥਿਕ ਸੰਕਟ ਦਾ ਦੌਰ ਹੈ।
ਇਸ ਤੋਂ ਬਾਅਦ, ਭਾਰਤ ਨੇ ਮਦਦ ਲਈ ਕਾਬੁਲ ਵਿੱਚ 1000 ਟੈਂਟ ਭੇਜੇ ਹਨ। ਨਾਲ ਹੀ, ਕਾਬੁਲ ਤੋਂ ਕੁਨਾਰ ਲਈ 15 ਟਨ ਭੋਜਨ ਸਮੱਗਰੀ ਭੇਜੀ ਗਈ। ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ X 'ਤੇ ਲਿਖਿਆ ਕਿ ਭਾਰਤ ਰਾਹਤ ਸਮੱਗਰੀ ਭੇਜਣਾ ਜਾਰੀ ਰੱਖੇਗਾ।