ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਇਕ ਲੜਕੀ ਮੀਂਹ ਦੌਰਾਨ ਛੱਤ 'ਤੇ ਜਾ ਕੇ ਡਾਂਸ ਦੀ ਰੀਲ ਬਣਾਉਣ ਲਈ ਜਾਂਦੀ ਹੈ। ਪਰ ਉਸੇ ਸਮੇਂ ਅਚਾਨਕ ਅਸਮਾਨ ਤੋਂ ਬਿਜਲੀ ਤੇਜ਼ੀ ਨਾਲ ਡਿੱਗਦੀ ਹੈ। ਬਿਜਲੀ ਦੀ ਆਵਾਜ਼ ਇੰਨੀ ਤੇਜ਼ ਹੁੰਦੀ ਹੈ ਕਿ ਲੜਕੀ ਡਰ ਜਾਂਦੀ ਹੈ ਤੇ ਭੱਜ ਕੇ ਥੱਲੇ ਚੱਲ ਜਾਂਦੀ ਹੈ | ਇਸ ਘਟਨਾ 'ਚ ਲੜਕੀ ਵਾਲ-ਵਾਲ ਬਚ ਜਾਂਦੀ ਹੈ |
ਅਚਾਨਕ ਡਿੱਗੀ ਬਿਜਲੀ
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਬਰਸਾਤ ਦੇ ਮੌਸਮ 'ਚ ਇਕ ਲੜਕੀ ਛੱਤ ਵੱਲ ਦੌੜਦੀ ਹੈ। ਤਾਂ ਜੋ ਉਹ ਡਾਂਸ ਰੀਲ ਬਣਾ ਸਕੇ। ਉਸ ਨੇ ਮੋਬਾਈਲ ਵੀ ਸੈੱਟਅੱਪ ਕਰ ਲਿਆ ਸੀ। ਪਰ ਜਿਵੇਂ ਹੀ ਉਹ ਨੱਚਣਾ ਸ਼ੁਰੂ ਕਰਦੀ ਹੈ, ਅਸਮਾਨ ਤੋਂ ਬਿਜਲੀ ਡਿੱਗ ਜਾਂਦੀ ਹੈ।
ਬਿਹਾਰ ਦੇ ਸੀਤਾਮੜੀ ਦੀ ਹੈ ਵੀਡੀਓ
ਇਹ ਘਟਨਾ ਬਿਹਾਰ ਦੇ ਸੀਤਾਮੜੀ ਜ਼ਿਲ੍ਹੇ ਦੇ ਸਿਰਸੀਆ ਪਿੰਡ ਦੀ ਹੈ। ਇੱਥੇ ਇੱਕ ਕੁੜੀ ਛੱਤ ਉੱਤੇ ਮੀਂਹ ਵਿੱਚ ਨਹਾ ਰਹੀ ਸੀ ਅਤੇ ਉਸਦੀ ਇੱਕ ਸਹੇਲੀ ਰੀਲ ਬਣਾ ਰਹੀ ਸੀ। ਇਸ ਦੌਰਾਨ ਅਚਾਨਕ ਤੇਜ਼ ਆਵਾਜ਼ ਦੇ ਨਾਲ ਬਿਜਲੀ ਡਿੱਗੀ। ਹਾਲਾਂਕਿ, ਬੱਚੀ ਸੁਰੱਖਿਅਤ ਹੈ। ਬਿਜਲੀ ਡਿੱਗਣ ਦੀ ਤੇਜ਼ ਆਵਾਜ਼ ਨਾਲ ਸਾਰਾ ਮਾਹੌਲ ਸਹਿਮ 'ਚ ਬਦਲ ਗਿਆ |
ਬਿਜਲੀ ਡਿੱਗਣ ਕਾਰਨ ਹੋ ਚੁੱਕੀਆਂ ਹਨ 8 ਮੌਤਾਂ
ਬਿਹਾਰ ਦੇ 6 ਜ਼ਿਲ੍ਹਿਆਂ ਵਿੱਚ ਅਸਮਾਨੀ ਬਿਜਲੀ ਡਿੱਗਣ ਕਾਰਨ 8 ਲੋਕਾਂ ਦੀ ਮੌਤ ਹੋ ਗਈ ਹੈ। ਪਿਛਲੇ 24 ਘੰਟਿਆਂ ਵਿੱਚ ਭਾਗਲਪੁਰ, ਮੁੰਗੇਰ, ਜਮੁਈ, ਪੂਰਬੀ ਚੰਪਾਰਨ, ਪੱਛਮੀ ਚੰਪਾਰਨ ਅਤੇ ਅਰਰੀਆ ਜ਼ਿਲ੍ਹਿਆਂ ਵਿੱਚ ਇਹ ਮੌਤਾਂ ਹੋਈਆਂ ਹਨ। ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਮੌਤਾਂ 'ਤੇ ਦੁੱਖ ਦਾ ਪ੍ਰਗਟਾਵਾ ਵੀ ਕੀਤਾ ਹੈ।