ਨਵੀਂ ਦਿੱਲੀ ਅਤੇ ਪਟਨਾ ਵਿਚਕਾਰ ਚੱਲਣ ਵਾਲੀ ਇਹ ਵੰਦੇ ਭਾਰਤ ਟਰੇਨ ਹਫ਼ਤੇ ਵਿੱਚ ਤਿੰਨ ਦਿਨ ਚੱਲੇਗੀ। ਨਵੀਂ ਦਿੱਲੀ ਤੋਂ ਇਹ ਟਰੇਨ 11 ਨਵੰਬਰ, 14 ਨਵੰਬਰ ਅਤੇ 16 ਨਵੰਬਰ ਨੂੰ ਚੱਲ ਰਹੀ ਹੈ। ਉਥੇ ਹੀ ਪਟਨਾ ਅਤੇ ਦਿੱਲੀ ਵਿਚਕਾਰ 12, 15 ਅਤੇ 17 ਨਵੰਬਰ ਦਰਮਿਆਨ ਵਿਸ਼ੇਸ਼ ਵੰਦੇ ਭਾਰਤ ਟਰੇਨ ਚਲਾਈ ਜਾ ਰਹੀ ਹੈ। ਦੱਸ ਦੇਈਏ ਕਿ ਦੀਵਾਲੀ ਅਤੇ ਛਠ ਦੌਰਾਨ ਯਾਤਰੀਆਂ ਦੀ ਭਾਰੀ ਭੀੜ ਨੂੰ ਦੇਖਦੇ ਹੋਏ ਰੇਲਵੇ ਨੇ ਵਿਸ਼ੇਸ਼ ਵੰਦੇ ਭਾਰਤ ਟਰੇਨ ਚਲਾਉਣ ਦਾ ਫੈਸਲਾ ਕੀਤਾ ਹੈ।
900 ਕਿਲੋਮੀਟਰ ਦੀ ਯਾਤਰਾ
ਇਹ ਟਰੇਨ ਨਵੀਂ ਦਿੱਲੀ ਸਟੇਸ਼ਨ ਤੋਂ ਪਟਨਾ ਵਿਚਕਾਰ ਚੱਲ ਰਹੀ ਹੈ ਅਤੇ ਕੁੱਲ 900 ਕਿਲੋਮੀਟਰ ਦੀ ਦੂਰੀ ਤੈਅ ਕਰਦੀ ਹੈ। ਇਹ ਭਾਰਤ ਦੀ ਸਭ ਤੋਂ ਲੰਬੀ ਦੂਰੀ ਵਾਲੀ ਵੰਦੇ ਭਾਰਤ ਟਰੇਨ ਹੈ ਜੋ 900 ਕਿਲੋਮੀਟਰ ਤੋਂ ਵੱਧ ਦੀ ਦੂਰੀ 11 ਘੰਟੇ 35 ਮਿੰਟ ਵਿੱਚ ਤੈਅ ਕਰੇਗੀ। ਨਵੀਂ ਦਿੱਲੀ ਪਟਨਾ ਵੰਦੇ ਭਾਰਤ ਟਰੇਨ (02252/02251) ਵਿੱਚ ਕੁੱਲ 16 ਕੋਚ ਹਨ ਜਿਨ੍ਹਾਂ ਨੂੰ ਦੋ ਸ਼੍ਰੇਣੀਆਂ AC ਚੇਅਰ ਕਾਰ ਅਤੇ ਐਗਜ਼ੀਕਿਊਟਿਵ ਚੇਅਰ ਕਾਰ ਵਿੱਚ ਵੰਡਿਆ ਗਿਆ ਹੈ।
ਵਾਪਸੀ ਵੇਲੇ ਰੇਲ ਦਾ ਇਹ ਹੋਵੇਗਾ ਰੂਟ
ਨਵੀਂ ਦਿੱਲੀ ਪਟਨਾ ਵੰਦੇ ਭਾਰਤ ਰੇਲਗੱਡੀ ਨਵੀਂ ਦਿੱਲੀ ਤੋਂ ਕਾਨਪੁਰ ਸੈਂਟਰਲ ਦੇ ਰਸਤੇ ਚੱਲੇਗੀ ਅਤੇ ਪ੍ਰਯਾਗਰਾਜ, ਦੀਨਦਿਆਲ ਉਪਾਧਿਆਏ ਜੰਕਸ਼ਨ, ਬਕਸਰ, ਆਰਾ ਤੋਂ ਹੁੰਦੇ ਹੋਏ ਪਟਨਾ ਪਹੁੰਚੇਗੀ। ਵਾਪਸੀ ਦੌਰਾਨ ਵੀ ਟਰੇਨ ਦਾ ਇਹ ਰੂਟ ਪਹਿਲਾਂ ਵਾਂਗ ਹੀ ਰਹੇਗਾ। ਵਿਸ਼ੇਸ਼ ਵੰਦੇ ਭਾਰਤ ਨਵੀਂ ਦਿੱਲੀ ਤੋਂ ਸਵੇਰੇ 7.35 ਵਜੇ ਰਵਾਨਾ ਹੋਵੇਗੀ ਅਤੇ ਸ਼ਾਮ ਨੂੰ 19.00 ਵਜੇ ਪਟਨਾ ਪਹੁੰਚੇਗੀ।