ਜਲੰਧਰ 'ਚ ਤੜਕੇ ਸਰ ਹੀ ਘਾਸਸਮੰਡੀ ਦੇ ਸ਼੍ਰੀ ਗਣਪਤੀ ਟ੍ਰੇਡਰਸ ਦੇ ਦੁਕਾਨਦਾਰ ਤੋਂ ਤੇਜ਼ਧਾਰ ਦਾਤਰ ਨਾਲ ਵਾਰ ਕਰਕੇ ਲੁਟੇਰੇ ਪੈਸੇ ਲੁੱਟ ਲਏ ਅਤੇ ਫਰਾਰ ਹੋ ਗਏ। ਲੁਟੇਰਿਆਂ ਵਲੋਂ ਪੀੜਤ ਦੁਕਾਨਦਾਰ ਤੋਂ 7 ਤੋਂ 8 ਹਜ਼ਾਰ ਰੁਪਏ ਲੁਟੇ ਗਏ। ਪੀੜਤ ਦੀ ਪਛਾਣ ਦੀਪਕ ਵਜੋਂ ਹੋਈ ਹੈ।
ਗਰਦਨ ਦੇ ਦਾਤ ਰੱਖ ਪੈਸੇ ਦੀ ਕੀਤੀ ਮੰਗ
ਪੀੜਤ ਦੀਪਕ ਨੇ ਦੱਸਿਆ ਕਿ ਉਹ ਸਵੇਰੇ 6 ਵਜੇ ਆਪਣੀ ਦੁਕਾਨ ਖੋਲ੍ਹਦਾ ਹੈ। ਅੱਜ ਸਵੇਰੇ ਦੁੱਧ ਦੀ ਗੱਡੀ ਧੁੰਦ ਕਾਰਨ ਲੇਟ ਹੋ ਗਈ। ਇਸ ਦੌਰਾਨ ਬਾਈਕ 'ਤੇ ਦੋ ਨੌਜਵਾਨ ਆਏ ਅਤੇ ਉਹ ਪਹਿਲਾਂ ਅੱਗੇ ਚਲੇ ਗਏ। ਇਸ ਤੋਂ ਬਾਅਦ ਉਹ ਫਿਰ ਵਾਪਸ ਆਏ ਅਤੇ ਆਉਂਦਿਆਂ ਹੀ ਉਨ੍ਹਾਂ ਨੇ ਦੀਪਕ ਦਾ ਗਲਾ ਵੱਢਣ ਦੀ ਧਮਕੀ ਦਿੰਦਿਆਂ ਅਤੇ ਪੈਸਿਆਂ ਦੀ ਮੰਗ ਕਰਨ ਲੱਗੇ।
ਸਰੀਏ ਨਾਲ ਲੁਟੇਰਿਆਂ ਦਾ ਕੀਤਾ ਸਾਹਮਣਾ
ਦੀਪਕ ਨੇ ਦੱਸਿਆ ਕਿ ਉਸ ਨੇ ਆਪਣੇ ਕੋਲ ਸਰੀਆ ਰੱਖਿਆ ਹੋਇਆ ਸੀ। ਉਸਨੇ ਸਰੀਆ ਕਢਿਆ ਅਤੇ 5 ਤੋਂ 10 ਮਿੰਟ ਤੱਕ ਲੁਟੇਰਿਆਂ ਨਾਲ ਲੜਦਾ ਰਿਹਾ। ਪਰ ਇਸ ਦੇ ਬਾਵਜੂਦ ਲੁਟੇਰਿਆਂ ਨੇ ਉਸ 'ਤੇ ਹਮਲਾ ਕਰ ਦਿੱਤਾ ਅਤੇ ਉਸ ਦਾ ਫ਼ੋਨ ਅਤੇ 7 ਤੋਂ 8 ਹਜ਼ਾਰ ਰੁਪਏ ਦੀ ਨਕਦੀ ਲੈ ਕੇ ਫ਼ਰਾਰ ਹੋ ਗਏ |
ਜਾਂਦੇ ਹੋਏ ਲੁਟੇਰਿਆਂ ਨੇ ਕਿਹਾ ਕਿ ਪਾਜੀ ਨੂੰ ਜ਼ਿਆਦਾ ਨਾ ਮਾਰੋ
ਦੀਪਕ ਨੇ ਦੱਸਿਆ ਕਿ ਜਾਂਦੇ ਸਮੇਂ ਲੁਟੇਰਿਆਂ ਨੇ ਉਸ ਨੂੰ ਕਿਹਾ ਕਿ ਪਾਜੀ ਨੂੰ ਜ਼ਿਆਦਾ ਸੱਟ ਨਾ ਮਾਰੋ ਕਿਉਂਕਿ ਉਹ ਜਾਣ-ਪਛਾਣ ਵਾਲੇ ਹਨ। ਦੀਪਕ ਨੇ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦੇ ਦਿੱਤੀ ਹੈ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।