ਜਲੰਧਰ 'ਚ ਕਿਊਰੋ ਮਾਲ 66 ਫੁੱਟੀ ਰੋਡ 'ਤੇ ਇਕ ਵਾਈਨ ਸ਼ਾਪ 'ਤੇ ਬਾਈਕ ਸਵਾਰ ਦੋ ਲੁਟੇਰਿਆਂ ਨੇ ਬੰਦੂਕ ਦੀ ਨੋਕ 'ਤੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਬੇਖੌਫ ਵਾਈਨ ਸ਼ਾਪ 'ਚ ਦਾਖਲ ਹੋਏ ਅਤੇ ਕਰੀਬ 1 ਲੱਖ 37 ਹਜ਼ਾਰ ਰੁਪਏ ਦੀ ਨਕਦੀ ਲੈ ਕੇ ਫਰਾਰ ਹੋ ਗਏ। ਘਟਨਾ ਉੱਥੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਘਟਨਾ ਦੀ ਸੂਚਨਾ ਪੁਲਸ ਨੂੰ ਦਿੱਤੀ ਗਈ।
ਲੁਟੇਰੇ ਸ਼ਰਾਬ ਦੀ ਕੀਮਤ ਪੁੱਛਣ ਦੇ ਬਹਾਨੇ ਅੰਦਰ ਦਾਖਲ ਹੋਏ
ਉਥੇ ਕੰਮ ਕਰਦੇ ਰਾਜਕੁਮਾਰ ਨੇ ਦੱਸਿਆ ਕਿ ਇਹ ਘਟਨਾ 9.30 ਵਜੇ ਵਾਪਰੀ। ਮੰਕੀ ਕੈਪਸ ਪਹਿਨੇ ਦੋ ਅਣਪਛਾਤੇ ਲੁਟੇਰੇ ਸਪਲੈਂਡਰ 'ਤੇ ਆਏ, ਪਹਿਲਾਂ ਉਹ ਸ਼ਰਾਬ ਦੀਆਂ ਬੋਤਲਾਂ ਦਾ ਰੇਟ ਪੁੱਛਣ ਲੱਗੇ, ਫਿਰ ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਤੁਸੀਂ ਹਿੱਲੇ ਤਾਂ ਉਹ ਤੁਹਾਨੂੰ ਗੋਲੀ ਮਾਰ ਦੇਣਗੇ। ਵਾਰਦਾਤ ਨੂੰ ਅੰਜਾਮ ਦੇਣ ਆਏ ਲੁਟੇਰੇ ਕਰੀਬ 15-20 ਮਿੰਟ ਤੱਕ ਦੁਕਾਨ 'ਤੇ ਰੁਕੇ ਰਹੇ।
ਪੁਲਸ ਮਾਮਲੇ ਦੀ ਜਾਂਚ ਵਿੱਚ ਜੁਟੀ
ਮੌਕੇ 'ਤੇ ਪਹੁੰਚੇ ਪੁਲਸ ਅਧਿਕਾਰੀ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਸਾਨੂੰ ਸੂਚਨਾ ਮਿਲੀ ਸੀ ਕਿ ਦੋ ਲੁਟੇਰੇ ਵਾਈਨ ਸ਼ਾਪ 'ਤੇ ਆਏ ਅਤੇ ਨਕਦੀ ਲੈ ਕੇ ਫਰਾਰ ਹੋ ਗਏ | ਲੁਟੇਰਿਆਂ ਨੇ ਨੰਬਰ ਪਲੇਟ 'ਤੇ ਚਿੱਕੜ ਲਾਇਆ ਹੋਇਆ ਸੀ। ਵਾਈਨ ਸ਼ਾਪ 'ਤੇ ਕੰਮ ਕਰਦੇ ਰਾਜਕੁਮਾਰ ਨੇ ਦੱਸਿਆ ਕਿ ਦੁਕਾਨ ਵਿਚ 1 ਲੱਖ 37 ਹਜ਼ਾਰ ਰੁਪਏ ਪਏ ਸਨ, ਜੋ ਕਿ ਲੁਟੇਰੇ ਲੈ ਕੇ ਫਰਾਰ ਹੋ ਗਏ। ਫਿਲਹਾਲ ਪੁਲਸ ਇਸ ਮਾਮਲੇ ਦੀ ਅਗਲੇਰੀ ਜਾਂਚ 'ਚ ਜੁਟੀ ਹੋਈ ਹੈ।