ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਪੰਜਾਬ ਵਿੱਚ ਚੋਣ ਜ਼ਾਬਤਾ ਲਾਗੂ ਹੋ ਗਿਆ ਹੈ। ਪਰ ਇਸ ਦੇ ਬਾਵਜੂਦ ਚੋਰੀਆਂ ਤੇ ਲੁੱਟ - ਖੋਹ ਦੀਆਂ ਘਟਨਾਵਾਂ ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ। ਅਜਿਹੀ ਹੀ ਇੱਕ ਵੀਡੀਓ ਮੰਡੀ ਗੋਬਿੰਦਗੜ੍ਹ ਤੋਂ ਸਾਹਮਣੇ ਆਈ ਹੈ ਜਿੱਥੇ ਦਿਨ ਦਿਹਾੜੇ ਘੁੰਮ ਰਹੀ ਇੱਕ ਔਰਤ ਤੋਂ ਲੁਟੇਰਿਆਂ ਨੇ ਚੇਨ ਖੋਹ ਲਈ। ਘਟਨਾ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ।
ਸੈਰ ਕਰ ਰਹੀ ਸੀ ਔਰਤ
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਔਰਤ ਹੈੱਡਫੋਨ ਲਗਾ ਕੇ ਘੁੰਮ ਰਹੀ ਸੀ। ਬਾਈਕ 'ਤੇ ਦੋ ਵਿਅਕਤੀ ਆਉਂਦੇ ਹਨ ਤੇ ਔਰਤ ਨੂੰ ਦੇਖ ਕੇ ਪਹਿਲਾ ਅੱਗੇ ਨਿਕਲ ਜਾਂਦੇ ਹਨ। ਫਿਰ ਅਚਾਨਕ ਹੀ ਬਾਈਕ 'ਤੇ ਬੈਠੇ ਦੋ ਵਿਅਕਤੀਆਂ 'ਚੋਂ ਇਕ ਵਿਅਕਤੀ ਹੇਠਾਂ ਉਤਰਦਾ ਹੈ ਤੇ ਔਰਤ ਦੀ ਚੇਨ ਖਿੱਚ ਕੇ ਮੋਟਰ ਸਾਈਕਲ 'ਤੇ ਸਵਾਰ ਹੋ ਕ ਭੱਜ ਜਾਂਦੇ ਹਨ|
ਔਰਤ ਖੁਦ ਨੂੰ ਬਚਾਉਣ ਦੀ ਕਰਦੀ ਰਹੀ ਕੋਸ਼ਿਸ਼
ਔਰਤ ਆਪਣੇ ਆਪ ਨੂੰ ਲੁਟੇਰਿਆਂ ਤੋਂ ਬਚਾਉਣ ਦੀ ਕੋਸ਼ਿਸ਼ ਕਰਦੀ ਹੈ। ਪਰ ਲੁਟੇਰੇ ਔਰਤ ਦੀ ਚੇਨ ਖਿੱਚ ਕੇ ਬਾਈਕ 'ਤੇ ਫਰਾਰ ਹੋ ਗਏ। ਇਹ ਸਾਰੀ ਘਟਨਾ ਨੇੜੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ ਹੈ।