ਫ਼ਿਲਮ 'ਅੱਲ੍ਹੜ ਵਰੇਸ' ਜਲਦ ਹੀ ਸਿਨੇਮਾਘਰਾਂ 'ਚ ਦਸਤਕ ਦੇਣ ਲਈ ਤਿਆਰ ਹੈ। ਦਸੱਦੀਏ ਕਿ ਇਹ ਇਕ ਪਰਿਵਾਰਿਕ ਫ਼ਿਲਮ ਹੈ। ਜਿਸ ਦਾ ਆਨੰਦ ਹਰ ਉਮਰ ਦੇ ਲੋਕ ਲੈ ਸਕਦੇ ਹਨ। ਫ਼ਿਲਮ ਦੀ ਰਿਲੀਜ਼ਿੰਗ ਤੋਂ ਪਹਿਲਾਂ 'ਅੱਲ੍ਹੜ ਵਰੇਸ' ਦੀ ਸਟਾਰ ਕਾਸਟ ਖ਼ਬਰਿਸਤਾਨ ਨਿਊਜ਼ ਨੈੱਟਵਰਕ ਦੇ ਦਫ਼ਤਰ ਪਹੁੰਚੇ, ਜਿਥੇ ਉਨ੍ਹਾਂ ਨੇ ਫ਼ਿਲਮ ਨਾਲ ਜੁੜੀ ਕੁਝ ਗੱਲਾਂ ਤੇ ਸੈੱਟ ਤੇ ਬਿਤਾਏ ਖ਼ਾਸ ਪਲਾਂ ਨੂੰ ਸਾਂਝਾ ਕੀਤਾ।
ਸੈੱਟ 'ਤੇ ਬਿਤਾਏ ਖ਼ਾਸ ਪਲਾਂ ਨੂੰ ਕੀਤਾ ਸਾਂਝਾ
ਗੱਲਬਾਤ ਦੌਰਾਨ ਅਦਾਕਾਰਾ ਜਾਨਵੀਰ ਕੌਰ ਨੇ ਦਸਿਆ ਕਿਹਾ ਕਿ- ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਇਕ ਸੀਨ ਸ਼ੂਟ ਕਰਨ ਵੇਲੇ ਫ਼ਿਲਮ ਦੀ ਸਾਰੀ ਕਾਸਟ ਭਾਵੁਕ ਹੋ ਗਈ। ਦਰਅਸਲ ਫ਼ਿਲਮ 'ਚ ਅਨਾਥ ਲੜਕੀ ਦੀ ਵਿਦਾਈ ਦਾ ਸ਼ੂਟ ਕੀਤਾ ਜਾ ਰਿਹਾ ਸੀ, ਜਿਸ ਨੂੰ ਸ਼ੂਟ ਕਰਨ ਵੇਲੇ ਉਥੇ ਮੌਜੂਦ ਹਰ ਵਿਅਕਤੀ ਭਾਵੁਕ ਹੋ ਗਿਆ।
ਇਹ ਸਟਾਰ ਫ਼ਿਲਮ 'ਚ ਆਉਣਗੇ ਨਜ਼ਰ
ਫ਼ਿਲਮ 'ਚ ਜਿੰਮੀ ਸ਼ਰਮਾ, ਜਾਨਵੀਰ ਕੌਰ, ਅਰਮਾਨ ਬੇਦਿਲ,ਨਿਰਮਲ ਰਿਸ਼ੀ ਦੇ ਨਾਲ-ਨਾਲ ਤਰਸੇਮ ਪੌਲ ਅਹਿਮ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਦਸੱਦੀਏ ਕਿ ਅਦਾਕਾਰਾ ਜਾਨਵੀਰ ਕੌਰ ਦੀ ਇਹ ਪਹਿਲੀ ਪੰਜਾਬੀ ਫ਼ਿਲਮ ਹੈ। ਇਸ ਤੋਂ ਪਹਿਲਾ ਉਹਨਾਂ ਨੂੰ ਕਈ ਪੰਜਾਬੀ ਗਾਣਿਆਂ 'ਚ ਦੇਖਿਆ ਜਾ ਚੁਕਿਆ ਹੈ। ਉਥੇ ਹੀ ਜਿੰਮੀ ਸ਼ਰਮਾ ਇਸ ਫ਼ਿਲਮ 'ਚ ਨੇਗਟਿਵ ਰੋਲੇ ਨਿਭਾਉਂਦੇ ਨਜ਼ਰ ਆਉਣਗੇ। ਜਦਕਿ ਜਾਨਵੀਰ ਕੌਰ ਤੇ ਅਰਮਾਨ ਬੇਦਿਲ ਨੂੰ ਪਿਆਰ ਭਰੇ ਅੰਦਾਜ਼ 'ਚ ਦੇਖਿਆ ਜਾਵੇਗਾ। ਇਸ ਤੋਂ ਇਲਾਵਾ ਮਲਕੀਤ ਰੋਨੀ, ਕਵੀ ਸਿੰਘ, ਦਿਲਜੋਤ ਕੌਰ, ਸ਼ਵੇੰਦ੍ਰ ਮਾਹਲ ਤੇ ਰਾਜ ਧਾਲੀਵਾਲ ਵੀ ਨਜ਼ਰ ਆਉਣਗੇ।
ਇਸ ਤਰੀਕ ਨੂੰ ਸਿਨੇਮਾਘਰਾਂ ਚ ਆਵੇਗੀ ਫ਼ਿਲਮ
ਫ਼ਿਲਮ 'ਅੱਲ੍ਹੜ ਵਰੇਸ' 31 ਮਈ ਨੂੰ ਵਰਲਡਵਾਈਡ ਰਿਲੀਜ਼ ਹੋ ਰਹੀ ਹੈ। ਰਿਲੀਜ਼ਿੰਗ ਦੇ ਡੇਢ ਮਹੀਨੇ ਬਾਅਦ 15 ਜੁਲਾਈ ਨੂੰ ਇਹ ਫ਼ਿਲਮ OTT ਪਲੈਟਫਾਰਮ ਚੌਪਾਲ 'ਤੇ ਆਵੇਗੀ। ਟ੍ਰੇਲਰ ਰਿਲੀਜ਼ ਤੋਂ ਬਾਅਦ ਹੁਣ ਦਰਸ਼ਕਾਂ ਵਲੋਂ ਇਸ ਫ਼ਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।