ਮਹਾਰਾਸ਼ਟਰ 'ਚ ਰੀਲ ਬਣਾਉਂਦੇ ਸਮੇਂ ਇਕ ਲੜਕੀ ਕਾਰ ਦੀ ਬ੍ਰੇਕ ਲਗਾਉਣੀ ਭੁੱਲ ਗਈ ਅਤੇ ਬ੍ਰੇਕ ਦੀ ਬਜਾਏ ਐਕਸੀਲੇਟਰ ਦਬਾ ਦਿੱਤਾ। ਜਿਸ ਤੋਂ ਬਾਅਦ ਉਹ ਕਾਰ ਸਮੇਤ 300 ਫੁੱਟ ਡੂੰਘੀ ਖਾਈ 'ਚ ਜਾ ਡਿੱਗੀ। ਲੜਕੀ ਦੀ ਦਰਦਨਾਕ ਮੌਤ ਹੋ ਗਈ ਹੈ। ਇਹ ਘਟਨਾ ਸੋਮਵਾਰ ਦੀ ਦੱਸੀ ਜਾ ਰਹੀ ਹੈ।
ਬ੍ਰੇਕ ਦੀ ਥਾਂ 'ਤੇ ਦਬਾਇਆ ਐਕਸਲੇਟਰ
ਜਾਣਕਾਰੀ ਮੁਤਾਬਕ ਲੜਕੀ ਕਾਰ ਚਲਾਉਂਦੇ ਸਮੇਂ ਵੀਡੀਓ ਬਣਾ ਰਹੀ ਸੀ।ਉਦੋਂ ਇਹ ਹਾਦਸਾ ਹੋਇਆ। ਸੋਮਵਾਰ ਨੂੰ ਮਹਾਰਾਸ਼ਟਰ ਦੇ ਛਤਰਪਤੀ ਸੰਭਾਜੀ ਨਗਰ 'ਚ ਲੜਕੀ ਰਿਵਰਸ ਗੇਅਰ 'ਚ ਗੱਡੀ ਚਲਾ ਰਹੀ ਸੀ ਅਤੇ ਗਲਤੀ ਨਾਲ ਐਕਸੀਲੇਟਰ ਦਬਾ ਦਿੱਤਾ। ਕਾਰ ਖਾਈ 'ਚ ਡਿੱਗ ਗਈ ਅਤੇ ਉਸ ਦੀ ਮੌਤ ਹੋ ਗਈ।
ਰਿਵਰਸ ਗੀਅਰ 'ਚ ਸੀ ਕਾਰ
ਰਿਪੋਰਟ ਮੁਤਾਬਕ ਸ਼ਵੇਤਾ ਸੁਰਵਾਸੇ ਦਾ ਦੋਸਤ ਸ਼ਿਵਰਾਜ ਮੂਲੇ ਜਦੋ ਵੀਡੀਓ ਸ਼ੂਟ ਕਰ ਰਿਹਾ ਸੀ ਤਾਂ ਉਸ ਨੇ ਕਾਰ ਚਲਾਉਣ ਦੀ ਕੋਸ਼ਿਸ਼ ਕੀਤੀ। ਬਦਕਿਸਮਤੀ ਨਾਲ, ਜਦੋਂ ਕਾਰ ਰਿਵਰਸ ਗੀਅਰ ਵਿੱਚ ਸੀ, ਤਾਂ ਉਸਨੇ ਗਲਤੀ ਨਾਲ ਐਕਸਲੇਟਰ ਦਬਾ ਦਿੱਤਾ। ਇਸ ਕਾਰਨ ਕਾਰ ਪਿੱਛੇ ਵੱਲ ਖਿਸਕ ਗਈ ਅਤੇ ਕਰੈਸ਼ ਬੈਰੀਅਰ ਤੋੜ ਕੇ ਖਾਈ ਵਿੱਚ ਜਾ ਡਿੱਗੀ।
ਜਿੱਥੇ ਕਾਰ ਖਾਈ ਵਿੱਚ ਡਿੱਗੀ ਸੀ, ਉੱਥੇ ਬਚਾਅ ਕਰਮੀਆਂ ਨੂੰ ਪਹੁੰਚਣ ਵਿੱਚ ਇੱਕ ਘੰਟੇ ਤੋਂ ਵੱਧ ਦਾ ਸਮਾਂ ਲੱਗਾ। ਮੌਕੇ 'ਤੇ ਘਟਨਾ ਸਥਾਨ 'ਤੇ ਪਹੁੰਚ ਕੇ ਲੜਕੀ ਨੂੰ ਨੇੜੇ ਦੇ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਥੋੜ੍ਹੀ ਹੀ ਦੂਰੀ 'ਤੇ ਸੀ ਖਾਈ
ਕਾਰ ਤੋਂ ਕੁਝ ਦੂਰੀ 'ਤੇ ਡੂੰਘੀ ਖਾਈ ਸੀ। ਹਾਦਸੇ ਦੀ ਵਾਇਰਲ ਹੋਈ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਔਰਤ ਰਿਵਰਸ 'ਚ ਕਾਰ ਚਲਾ ਰਹੀ ਹੈ ਅਤੇ ਵੀਡੀਓ ਬਣਾਉਣ ਵਾਲੇ ਵਿਅਕਤੀ ਨਾਲ ਗੱਲ ਕਰ ਰਹੀ ਹੈ। ਇਸ ਦੌਰਾਨ, ਉਹ ਬ੍ਰੇਕ ਲਗਾਉਣਾ ਭੁੱਲ ਜਾਂਦੀ ਹੈ ਅਤੇ ਅਚਾਨਕ ਬ੍ਰੇਕ ਦੀ ਬਜਾਏ ਐਕਸੀਲੇਟਰ ਦਬਾ ਦਿੰਦੀ ਹੈ। ਇਸ ਕਾਰਨ ਗੱਡੀ ਦੀ ਰਫ਼ਤਾਰ ਅਚਾਨਕ ਵੱਧ ਗਈ ਅਤੇ ਇਹ 300 ਫੁੱਟ ਡੂੰਘੀ ਖਾਈ ਵਿੱਚ ਡਿੱਗ ਜਾਂਦੀ ਹੈ |