ਯੂਪੀ ਦੇ ਬੁਲੰਦਸ਼ਹਿਰ ਵਿੱਚ ਐਤਵਾਰ ਸਵੇਰੇ ਗੰਗਾ 'ਚ ਇਸ਼ਨਾਨ ਕਰਨ ਜਾ ਰਹੇ ਸ਼ਰਧਾਲੂਆਂ ਨਾਲ ਭਰੀ ਇੱਕ ਮਾਰੂਤੀ ਵੈਨ ਨੂੰ ਇੱਕ ਟਰੱਕ ਨੇ ਟੱਕਰ ਮਾਰ ਦਿੱਤੀ। ਇਸ ਦੌਰਾਨ ਵੈਨ ਦੀ ਸੀਐਨਜੀ ਲੀਕ ਹੋ ਗਈ ਅਤੇ ਅੱਗ ਲੱਗ ਗਈ। ਹਾਦਸੇ 'ਚ 4 ਔਰਤਾਂ ਅਤੇ 5 ਬੱਚੇ ਝੁਲਸ ਗਏ। ਕਾਰ ਵਿਚ ਸਵਾਰ ਸਾਰੇ ਸ਼ਰਧਾਲੂ ਜਹਾਂਗੀਰਾਬਾਦ ਦੇ ਕਕਰਈ ਪਿੰਡ ਦੇ ਰਹਿਣ ਵਾਲੇ ਸਨ।
ਜ਼ਖਮੀਆਂ ਨੂੰ ਇਲਾਜ ਲਈ ਜਹਾਂਗੀਰਾਬਾਦ ਸੀ.ਐੱਚ.ਸੀ. ਸੈਂਟਰ 'ਚ ਦਾਖਲ ਕਰਵਾਇਆ ਗਿਆ ਸੀ ਪਰ ਉਨ੍ਹਾਂ ਦੀ ਗੰਭੀਰ ਹਾਲਤ ਨੂੰ ਦੇਖਦੇ ਹੋਏ ਉਨ੍ਹਾਂ ਨੂੰ ਹਾਇਰ ਮੈਡੀਕਲ ਸੈਂਟਰ 'ਚ ਰੈਫਰ ਕਰ ਦਿੱਤਾ ਗਿਆ। ਹਾਦਸੇ ਤੋਂ ਬਾਅਦ ਮੌਕੇ 'ਤੇ ਮੌਜੂਦ ਨੌਜਵਾਨਾਂ ਨੇ ਦੱਸਿਆ ਕਿ ਜਹਾਂਗੀਰਾਬਾਦ ਦੇ ਪਿੰਡ ਕਕਰਾਈ ਤੋਂ ਸਾਰੇ ਲੋਕ ਗੁਰੂ ਪੂਰਨਿਮਾ ਦੇ ਮੌਕੇ 'ਤੇ ਗੰਗਾ 'ਚ ਇਸ਼ਨਾਨ ਕਰਨ ਲਈ ਅਨੂਪਸ਼ਹਿਰ ਜਾ ਰਹੇ ਸਨ। ਇਸ ਦੌਰਾਨ ਕਾਰ ਨੂੰ ਅਚਾਨਕ ਅੱਗ ਲੱਗ ਗਈ। ਇਸ ਤੋਂ ਬਾਅਦ ਸਾਰੇ ਸ਼ਰਧਾਲੂਆਂ ਨੂੰ ਤੁਰੰਤ ਹੇਠਾਂ ਉਤਾਰ ਕੇ ਐਂਬੂਲੈਂਸ ਰਾਹੀਂ ਹਸਪਤਾਲ ਪਹੁੰਚਾਇਆ ਗਿਆ। ਫਿਲਹਾਲ ਸਾਰੇ ਸੁਰੱਖਿਅਤ ਹਨ। ਫਾਇਰ ਬ੍ਰਿਗੇਡ ਦੇ ਮੁਲਾਜ਼ਮਾਂ ਨੇ ਮੌਕੇ 'ਤੇ ਪਹੁੰਚ ਕੇ ਪਾਣੀ ਪਾ ਕੇ ਅੱਗ 'ਤੇ ਕਾਬੂ ਪਾਇਆ।
ਹਾਦਸੇ 'ਚ 5 ਬੱਚਿਆ ਸਮੇਤ 9 ਲੋਕ ਝੁਲਸੇ
ਜਹਾਂਗੀਰਾਬਾਦ ਸੀਐਚਸੀ ਦੇ ਮੈਡੀਕਲ ਅਫਸਰ ਨੇ ਦੱਸਿਆ ਕਿ ਮੰਜੂ (34) ਪਤਨੀ ਹਰੀ ਪ੍ਰਤਾਪ, ਹਿਮਾਂਸ਼ੂ (12) ਪੁੱਤਰ ਹਰੀ ਪ੍ਰਤਾਪ, ਰਾਣੀ (45) ਪੁੱਤਰੀ , ਪਤਨੀ ਪਿੰਕੀ (24) ਪੁੱਤਰੀ ਰਾਹੁਲ, ਮੀਨਾਕਸ਼ੀ (12) ਅਤੇ ਮੋਹਿਨੀ (8) ਪੁੱਤਰੀ ਦੇਵੇਂਦਰ, ਸਾਰਿਕਾ ਪਤਨੀ ਦੇਵੇਂਦਰ, ਮੁਸਕਾਨ (5)ਪੁੱਤਰੀ ਰਾਹੁਲ, ਰਾਜਬਾਲਾ (60) ਅਤੇ ਪਤਨੀ ਸਰੋਜ ਇਸ ਹਾਦਸੇ 'ਚ ਬੁਰੀ ਤਰ੍ਹਾਂ ਝੁਲਸ ਗਏ।