ਮਸ਼ਹੂਰ ਬ੍ਰਿਟਿਸ਼ ਗਾਇਕ ਐਡ ਸ਼ਿਰੀਨ (Ed Sheeran) ਇਨ੍ਹੀਂ ਦਿਨੀਂ ਭਾਰਤੀ ਸਿਤਾਰਿਆਂ ਦੇ ਰੰਗਾਂ ਵਿੱਚ ਰੰਗੇ ਹੋਏ ਨਜ਼ਰ ਆ ਰਹੇ ਹਨ ਤੇ ਉਨ੍ਹਾਂ ਨੂੰ ਬਾਲੀਵੁੱਡ ਇੰਡਸਟਰੀ ਦੇ ਸੁਪਰਸਟਾਰ ਸ਼ਾਹਰੁਖ ਖਾਨ ਸਣੇ ਹੋਰ ਸਿਤਾਰਿਆਂ ਨਾਲ ਮਸਤੀ ਕਰਦੇ ਹੋਏ ਵੀ ਵੇਖਿਆ ਗਿਆ। ਉਥੇ ਹੀ ਦਸੱਦੀਏ ਕਿ ਮਾਇਆਨਗਰੀ ਮੁੰਬਈ 'ਚ ਗਾਇਕ ਦਾ ਲਾਈਵ ਕੰਸਰਟ ਹੋਇਆ, ਜਿਸ 'ਚ ਪੰਜਾਬੀ ਗਾਇਕ ਦਿਲਜੀਤ ਉਨ੍ਹਾਂ ਨਾਲ ਸਟੇਜ ਸ਼ੇਅਰ ਕਰਦੇ ਨਜ਼ਰ ਆਏ।
ਦੋਸਾਂਝਾਵਾਲੇ ਦਾ ਗੀਤ 'ਤੇਰਾ ਨੀ ਮੈਂ, ਤੇਰਾ ਨੀ ਮੈਂ ਲਵਰ' ਗਾਉਂਦੇ ਨਜ਼ਰ ਆਏ
ਦੋਵਾਂ ਨੇ ਆਪਣੇ ਲਾਈਵ ਕੰਸਰਟ 'ਚ ਸ਼ਾਨਦਾਰ ਪਰਫਾਰਮੈਂਸ ਦਿੱਤੀ, ਜਿਸਦਾ ਪ੍ਰਸ਼ੰਸਕਾਂ ਨੇ ਖੂਬ ਆਨੰਦ ਮਾਣਿਆ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਸੰਗੀਤ ਸਮਾਰੋਹ ਏਡ ਸ਼ੀਰਨ ਦੇ ਏਸ਼ੀਆ ਅਤੇ ਯੂਰਪ ਦੌਰੇ ਦਾ ਹਿੱਸਾ ਸੀ। ਆਪਣੇ ਪ੍ਰਦਰਸ਼ਨ ਦੌਰਾਨ ਉਨ੍ਹਾਂ ਨੇ ਕੁਝ ਪ੍ਰਸਿੱਧ ਭਾਰਤੀ ਕਲਾਕਾਰਾਂ ਨਾਲ ਸਟੇਜ ਸਾਂਝੀ ਕੀਤੀ। ਦੋਸਾਂਝਾਵਾਲੇ ਨਾਲ ਸਟੇਜ 'ਤੇ ਉਨ੍ਹਾਂ ਦਾ ਵੀਡੀਓ ਹਾਲ ਹੀ 'ਚ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।Ed Sheeran ਨੂੰ ਪੰਜਾਬੀ ਕਲਾਕਾਰ ਦਿਲਜੀਤ ਦੋਸਾਂਝ ਨਾਲ ਮਸਤੀ ਭਰੇ ਅੰਦਾਜ਼ ਵਿੱਚ ਵੇਖਿਆ ਗਿਆ। ਇਸ ਵਿਚਾਲੇ ਖਾਸ ਗੱਲ ਇਹ ਹੈ ਕਿ ਦੋਵੇਂ ਹੀ ਕਲਾਕਾਰ ਸਟੇਜ ਉੱਪਰ ਦੋਸਾਂਝਾਵਾਲੇ ਦਾ ਗੀਤ 'ਤੇਰਾ ਨੀ ਮੈਂ, ਤੇਰਾ ਨੀ ਮੈਂ ਲਵਰ' ਗਾਉਂਦੇ ਹੋਏ ਨਜ਼ਰ ਆਏ।
ਕਾਬਿਲੇਗੌਰ ਹੈ ਕਿ ਸ਼ਿਰੀਨ ਦੇ ਇਵੈਂਟ ਵਿੱਚ ਮਸ਼ਹੂਰ ਬਾਲੀਵੁੱਡ ਹਸਤੀਆਂ ਸ਼ਾਮਲ ਹੋਈਆਂ। ਇਨ੍ਹਾਂ ਵਿੱਚ ਮਾਧੁਰੀ ਦੀਕਸ਼ਿਤ, ਨਿਰਦੇਸ਼ਕ-ਕੋਰੀਓਗ੍ਰਾਫਰ ਫਰਾਹ ਖਾਨ ਅਤੇ ਅਭਿਨੇਤਾ ਸ਼ਾਹਿਦ ਕਪੂਰ ਦੀ ਪਤਨੀ ਮੀਰਾ ਰਾਜਪੂਤ ਮਸਤੀ ਕਰਦੇ ਹੋਏ ਵਿਖਾਈ ਦਿੱਤੇ।