ਸ਼ਿਮਲਾ ਟੂਰ 'ਤੇ ਜਾਣ ਵਾਲੇ ਸੈਲਾਨੀਆਂ ਲਈ ਹਿਮਾਚਲ ਪ੍ਰਦੇਸ਼ ਵਿੱਚ ਵਿਸ਼ਵ ਵਿਰਾਸਤ ਕਾਲਕਾ-ਸ਼ਿਮਲਾ ਟ੍ਰੈਕ ਰੇਲਵੇ ਮੈਨੇਜਮੈਂਟ ਹਾਲੀਡੇ ਸਪੈਸ਼ਲ ਟਰੇਨ ਸ਼ੁਰੂ ਕਰਨ ਜਾ ਰਹੀ ਹੈ। ਸੈਰ-ਸਪਾਟੇ ਲਈ ਕ੍ਰਿਸਮਸ ਤੇ ਨਿਊ ਯਿਅਰ ਮੌਕੇ ਸਪੈਸ਼ਲ ਟਰੇਨ ਚਲਾਈ ਜਾ ਰਹੀ ਹੈ। ਦੱਸ ਦੇਈਏ ਕਿ 24 ਦਸੰਬਰ ਤੋਂ ਵਿਸ਼ੇਸ਼ ਰੇਲ ਗੱਡੀ ਚਲਾਈ ਜਾਵੇਗੀ, ਜੋ ਕਿ ਅਗਲੇ ਸਾਲ 25 ਜਨਵਰੀ 2024 ਤੱਕ ਚੱਲਦੀ ਰਹੇਗੀ। ਇਸ ਸਪੈਸ਼ਲ ਟਰੇਨ 'ਚ 7 ਕੋਚ ਹੋਣਗੇ।
ਸ਼ਿਮਲਾ ਵਿਚ ਸਰਦ ਰੁੱਤ ਦੌਰਾਨ ਸੈਲਾਨੀਆਂ ਦੀ ਗਿਣਤੀ ਕਈ ਗੁਣਾ ਵੱਧ ਜਾਂਦੀ ਹੈ। ਸੋਲਨ ਦੇ ਕਸੌਲੀ, ਬੜੌਗ, ਕੰਡਾਘਾਟ, ਸ਼ਿਮਲਾ, ਨਰਕੰਡਾ, ਕੁਫਰੀ ਆਦਿ ਸੈਰ-ਸਪਾਟਾ ਸਥਾਨਾਂ 'ਤੇ ਸੈਲਾਨੀਆਂ ਦਾ ਆਉਣਾ ਸ਼ੁਰੂ ਹੋ ਜਾਂਦਾ ਹੈ। ਬਰਫ਼ਬਾਰੀ ਦੇਖਣ ਲਈ ਵੀ ਸ਼ਿਮਲਾ ਵਿੱਚਹਜ਼ਾਰਾਂ ਸੈਲਾਨੀ ਪਹਾੜਾਂ ਵੱਲ ਜਾਂਦੇ ਹਨ। ਇਸ ਦੇ ਮੱਦੇਨਜ਼ਰ ਰੇਲਵੇ ਪ੍ਰਬੰਧਨ ਸਪੈਸ਼ਲ ਟਰੇਨ ਚਲਾਉਣ ਜਾ ਰਿਹਾ ਹੈ।
ਦੱਸ ਦੇਈਏ ਕਿ ਕ੍ਰਿਸਮਿਸ ਅਤੇ ਨਵੇਂ ਸਾਲ 'ਤੇ ਸ਼ਿਮਲਾ 'ਚ ਵਿੰਟਰ ਕਾਰਨੀਵਲ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਹ ਕਾਰਨੀਵਲ ਸ਼ਿਮਲਾ ਵਿੱਚ 25 ਤੋਂ 31 ਦਸੰਬਰ ਤੱਕ ਚੱਲੇਗਾ।