ਲੁਧਿਆਣਾ ਵਿਚ ਘਰ ਦੀ ਸਾਫ-ਸਫਾਈ ਲਈ ਰੱਖੀ ਕੰਮਵਾਲੀ (ਨੌਕਰਾਣੀ) ਪਰਿਵਾਰ ਨੂੰ ਨਸ਼ੀਲਾ ਪਦਾਰਥ ਦੇ ਕੇ ਫਰਾਰ ਹੋ ਗਈ। ਜਾਣਕਾਰੀ ਅਨੁਸਾਰ ਸੈਕਟਰ 32 ਸਥਿਤ ਇੱਕ ਘਰ ਵਿੱਚ ਨੇਪਾਲੀ ਨੌਕਰਾਨੀ ਨੂੰ 2 ਦਿਨ ਪਹਿਲਾਂ ਹੀ ਕੰਮ ਉਤੇ ਰੱਖਿਆ ਸੀ।
ਨੌਕਰਾਨੀ ਨੇ ਤਿੰਨ ਲੋਕਾਂ ਨੂੰ ਨਸ਼ੀਲਾ ਪਦਾਰਥ ਦੇ ਕੇ ਬੇਹੋਸ਼ ਕਰ ਦਿੱਤਾ।ਇਸ ਦੀ ਘਰ ਦੇ ਅੰਦਰੋਂ ਇਕ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ। ਹਾਲਤ ਵਿਗੜਦੀ ਦੇਖ 3 ਲੋਕਾਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ।
ਇਸ ਘਟਨਾ ਬਾਰੇ ਘਰ ਦੇ ਮਾਲਕ ਨੇ ਦੱਸਿਆ ਕਿ ਦੋ ਦਿਨ ਪਹਿਲਾਂ ਅਸੀਂ ਨੇਪਾਲੀ ਨੌਕਰਾਨੀ ਨੂੰ ਕੰਮ ‘ਤੇ ਰੱਖਿਆ ਸੀ ਤੇ ਇਸ ਦੌਰਾਨ ਉਸ ਕੋਲੋਂ ਪਛਾਣ ਸਬੰਧੀ ਦਸਤਾਵੇਜ਼ ਵੀ ਮੰਗੇ ਸਨ ਨਾਲ ਹੀ ਦਸਤਾਵੇਜ਼ ਨਾ ਦੇਣ ਦੀ ਸੂਰਤ ਵਿਚ ਕੰਮ ‘ਤੇ ਨਾ ਆਉਣ ਲਈ ਕਿਹਾ ਸੀ।
ਉਨ੍ਹਾਂ ਦੱਸਿਆ ਕਿ ਉਹ ਕੰਮ ‘ਤੇ ਗਏ ਸਨ ਕਿ ਨੌਕਰਾਣੀ ਨੇ ਘਰ ਵਿੱਚ ਕੰਮ ਕਰਦੇ ਕੁਕ, ਸੱਤ ਮਹੀਨੇ ਦੇ ਬੱਚੇ ਨੂੰ ਸੰਭਾਲਣ ਵਾਲੀ ਕੇਅਰ ਟੇਕਰ ਅਤੇ ਉਨ੍ਹਾਂ ਦੇ ਘਰ ਵਿੱਚ ਆਈ ਇੱਕ ਮਹਿਲਾ ਰਿਸ਼ਤੇਦਾਰ ਨੂੰ ਕੋਈ ਨਸ਼ੀਲਾ ਪਦਾਰਥ ਮਿਲਾ ਕੇ ਦੇ ਦਿੱਤਾ, ਜਿਸ ਤੋਂ ਬਾਅਦ ਉਹ ਤਿੰਨੋਂ ਬੇਹੋਸ਼ ਹੋ ਗਏ।