ਹਰਿਆਣਾ ਵਿਚ ਬੇਖੌਫ ਚੋਰਾਂ ਨੇ ਕਵਰੇਜ ਲਈ ਗਏ ਇਕ ਪੱਤਰਕਾਰ ਦੀ ਕਾਰ ਦੇ ਚਾਰੋਂ ਟਾਇਰ ਚੋਰੀ ਕਰ ਲਏ। ਜਾਣਕਾਰੀ ਅਨੁਸਾਰ ਪੱਤਰਕਾਰ ਇਕ ਪ੍ਰੋਗਰਾਮ ਦੌਰਾਨ ਰਾਤ ਨੂੰ ਕਵਰੇਜ ਕਰਨ ਲਈ ਆਇਆ ਸੀ। ਕਾਰ ਖੜ੍ਹੀ ਕਰ ਕੇ ਜਦੋਂ ਉਹ ਰਿਪੋਰਟਿੰਗ ਲਈ ਗਿਆ ਤੇ ਵਾਪਸ ਆ ਕੇ ਦੇਖਿਆ ਤਾਂ ਕਾਰ ਦੇ ਟਾਇਰ ਗਾਇਬ ਸਨ। ਇਹੀ ਨਹੀਂ ਚੋਰ ਕਾਰ ਦੇ ਵਾਈਪਰ ਤੱਕ ਲਾਹ ਕੇ ਲੈ ਗਏ।
ਕਿਸਾਨ ਅੰਦੋਲਨ ਵਿਚ ਚਰਚਾ ਚ ਆਇਆ ਸੀ
ਦੱਸ ਦੇਈਏ ਕਿ ਇਹ ਉਹੀ ਹਰਿਆਣੇ ਦਾ ਪੱਤਰਕਾਰ ਮਨਦੀਪ ਪੂਨੀਆਂ ਹੈ, ਜੋ ਕਿ ਕਿਸਾਨ ਅੰਦੋਲਨ ਦੌਰਾਨ ਕਾਫੀ ਚਰਚਾ ਵਿਚ ਆਇਆ ਸੀ।ਮਨਦੀਪ ਕਿਸਾਨਾਂ ਅਤੇ ਪਿੰਡਾਂ ਦੀ ਰਿਪੋਰਟਿੰਗ ਕਰਦਾ ਹੈ। ਉਹ ਇਥੇ ਵੀ ਹਰਿਆਣਾ ਦੇ ਕਰਨਾਲ ਵਿਚ ਇੰਟਰਵਿਊ ਕਰਨ ਗਿਆ ਸੀ। ਪਰ ਜਦੋਂ ਉਸ ਨੇ ਆ ਕੇ ਦੇਖਿਆ ਤਾਂ ਉਸ ਦੀ ਕਾਰ ਦੇ ਚਾਰੋਂ ਟਾਇਰ ਚੋਰਾਂ ਵਲੋਂ ਚੋਰੀ ਕੀਤੇ ਜਾ ਚੁੱਕੇ ਸਨ ਤੇ ਕਾਰ ਇੱਟਾਂ ਉਤੇ ਖੜ੍ਹੀ ਕਰ ਗਏ।ਉਥੇ ਹੀ ਪਿੰਡ ਵਾਲਿਆਂ ਦਾ ਕਹਿਣਾ ਸੀ ਕਿ ਇਸ ਘਟਨਾ ਨੂੰ ਨਸ਼ੇੜੀਆਂ ਵਲੋਂ ਅੰਜਾਮ ਦਿੱਤਾ ਗਿਆ ਹੋ ਸਕਦਾ ਹੈ।