ਸਾਡਾ ਨਾਟ ਘਰ ਦੇ 159ਵੇਂ ਸ਼ੋਅ ਵਿਚ ਨਾਟਕ "ਉਡੀਕ" ਦੀ ਸ਼ਾਨਦਾਰ ਪੇਸ਼ਕਾਰੀ ਕੀਤੀ ਗਈ। ਡਾ.ਸੁਰੇਸ਼ ਮਹਿਤਾ ਵੱਲੋਂ ਲਿਖੇ ਅਤੇ ਦਲਜੀਤ ਸਿੰਘ ਸੋਨਾ ਵੱਲੋਂ ਨਿਰਦੇਸ਼ਿਤ ਕੀਤੇ ਨਾਟਕ "ਉਡੀਕ" ਨੇ ਸ਼ੋਅ ਨੂੰ ਚਾਰ ਚੰਨ ਲਾ ਦਿੱਤੇ। ਨਾਟਕ ਵਿੱਚ ਬੂਟਾ ਸਿੰਘ ਅਤੇ ਜ਼ੈਨਬ ਸੀ ਦੀ ਸੱਚੀ ਕਹਾਣੀ ਨੂੰ ਬਹੁਤ ਹੀ ਸ਼ਾਨਦਾਰ ਅੰਦਾਜ਼ ਵਿੱਚ ਪੇਸ਼ ਕੀਤਾ ਗਿਆ। ਕਰੀਬ ਡੇਢ ਘੰਟੇ ਦੀ ਇਸ ਪੇਸ਼ਕਾਰੀ ਨੇ ਦਰਸ਼ਕਾਂ ਨੂੰ ਅਖ਼ੀਰ ਤੱਕ ਮੰਤਰ ਮੁਗਧ ਕਰ ਕੇ ਰੱਖਿਆ।
ਇਸ ਦੌਰਾਨ ਹਰ ਕਲਾਕਾਰ ਨੇ ਆਪਣੇ ਕਿਰਦਾਰ ਨੂੰ ਬਾਖੂਬੀ ਨਿਭਾਇਆ। ਇਸ ਮੌਕੇ ਸੁਰਿੰਦਰ ਨਾਗੀ, ਲਖਬੀਰ ਸਿੰਘ ਘੁੰਮਣ, ਮਨਿੰਦਰ ਸਿੰਘ ਨੌਸ਼ਹਿਰਾ ਅਤੇ ਕਾਲਜ ਵਿਦਿਆਰਥੀਆਂ ਨੇ ਉਚੇਚੇ ਤੌਰ ਉਤੇ ਸ਼ਿਰਕਤ ਕੀਤੀ।
ਜਸਲੀਨ ਕੌਰ ਨੇ ਲੋਕ ਗੀਤ ਆਪਣੀ ਮਿੱਠੀ ਆਵਾਜ਼ ਵਿਚ ਪੇਸ਼ ਕੀਤਾ। ਯੁਵਰਾਜ ਸਿੰਘ ਦੇ ਭੰਗੜੇ ਦੀ ਪੇਸ਼ਕਾਰੀ ਤੋਂ ਬਾਅਦ ਨਾਟਕ ਦੀ ਪੇਸ਼ਕਾਰੀ ਹੋਈ। ਨਾਟਕ ਵਿਚ ਪਰਮਜੀਤ ਸਿੰਘ, ਗੁਰਵਿੰਦਰ ਕੌਰ, ਸ਼ਰਨਜੀਤ ਸਿੰਘ ਰਟੌਲ, ਅਨਮੋਲਪ੍ਰੀਤ ਕੌਰ , ਪ੍ਰਭਲੀਨ ਕੌਰ, ਗੁਰਸਿਮਰਨ ਕੌਰ, ਫਕੀਰਚੰਦ, ਸੁਰਿੰਦਰ ਸਿੰਘ, ਹਰਸ਼ਵੀਰ ਸਿੰਘ, ਅਰਸ਼ਦੀਪ ਸਿੰਘ, ਹਰਮਨਪ੍ਰੀਤ ਸਿੰਘ, ਸੁਮਿਤ ਸਿੰਘ, ਮਨਪ੍ਰੀਤ ਸਨਿਆਲ, ਹਰਪ੍ਰੀਤ ਕੌਰ, ਪ੍ਰਭਜੋਤ ਕੌਰ, ਹਰਮਨਜੋਤ ਸਿੰਘ, ਆਸਲੀਨ ਕੌਰ, ਅਮਰੋਜ਼ ਕੌਰ, ਦਲਜੀਤ ਸਿੰਘ ਸੋਨਾ ਅਤੇ ਗੁਰਮਨਦੀਪ ਸਿੰਘ ਨੇ ਬਤੌਰ ਅਦਾਕਾਰ ਕੰਮ ਕੀਤਾ। ਆਸਲੀਨ ਕੌਰ ਨੇ ਲਾਈਟ ਅਤੇ ਜਸਲੀਨ ਕੌਰ ਨੇ ਸੰਗੀਤ ਦੀ ਵਾਗਡੋਰ ਸੰਭਾਲੀ।
ਮੇਕਅੱਪ ਸਤਨਾਮ ਮੂਧਲ ਵੱਲੋਂ ਕੀਤਾ ਗਿਆ। ਪ੍ਰੋਗਰਾਮ ਦੇ ਅੰਤ ਵਿਚ ਦਲਜੀਤ ਸੋਨਾ ਨੇ ਮਹਿਮਾਨਾਂ ਅਤੇ ਦਰਸ਼ਕਾਂ ਦਾ ਧੰਨਵਾਦ ਕੀਤਾ ਅਤੇ ਸਭ ਨੂੰ ਸਮੋਸੇ ਖਵਾਏ ਗਏ। ਅਗਲੇ ਸੋਮਵਾਰ ਫਿਰ ਤੋਂ ਸੁਰੇਸ਼ ਮਹਿਤਾ ਵਲੋਂ ਲਿਖਿਤ ਅਤੇ ਦਲਜੀਤ ਸੋਨਾ ਵਲੋਂ ਨਿਰਦੇਸ਼ਿਤ ਏਸੇ ਨਾਟਕ “ਉਡੀਕ” ਦੀ ਪੇਸ਼ਕਾਰੀ ਸ਼ਾਮ 7:00 ਵਜੇ ਕੀਤੀ ਜਾਵੇਗੀ।