ਲੁਧਿਆਣਾ ਦੇ ਨਿਊ ਮਾਡਲ ਟਾਊਨ ਵਿੱਚ ਭਾਜਪਾ ਆਗੂ ਦੀ ਐਕਟਿਵਾ ਉਨ੍ਹਾਂ ਦੇ ਘਰ ਦੇ ਬਾਹਰੋਂ ਚੋਰੀ ਹੋ ਗਈ ਹੈ। ਘਟਨਾ ਦੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਚੂੜਾ ਪਾਈ ਇੱਕ ਲੜਕੀ ਆਪਣੇ ਸਾਥੀ ਨਾਲ ਮਿਲ ਕੇ ਐਕਟਿਵਾ ਚੋਰੀ ਕਰਕੇ ਲੈ ਜਾਂਦੀ ਹੈ। ਚੋਰੀ ਵਾਲੀ ਥਾਂ ਤੋਂ ਪੁਲੀਸ ਥਾਣਾ ਸਿਰਫ਼ 400 ਮੀਟਰ ਦੀ ਦੂਰੀ ’ਤੇ ਸੀ।
ਭਾਜਪਾ ਆਗੂ ਰਾਜਨ ਨੇ ਦੱਸਿਆ ਕਿ ਉਹ ਨਿਊ ਮਾਡਲ ਟਾਊਨ ਦਾ ਰਹਿਣ ਵਾਲਾ ਹੈ। ਉਹ ਕੰਮ ਤੋਂ ਘਰ ਪਰਤਿਆ ਸੀ। ਉਸ ਨੇ ਐਕਟਿਵਾ ਘਰ ਦੇ ਬਾਹਰ ਖੜ੍ਹੀ ਕੀਤੀ ਸੀ। ਕੁਝ ਸਮੇਂ ਬਾਅਦ ਜਦੋਂ ਉਹ ਕਿਤੇ ਜਾਣ ਲੱਗਾ ਤਾਂ ਐਕਟਿਵਾ ਗਾਇਬ ਸੀ । ਉਸ ਨੇ ਰੌਲਾ ਵੀ ਪਾਇਆ। ਉਨ੍ਹਾਂ ਨੇ ਆਲੇ-ਦੁਆਲੇ ਦੀਆਂ ਗਲੀਆਂ ਵਿੱਚ ਭਾਲ ਕੀਤੀ, ਪਰ ਕੁਝ ਨਹੀਂ ਮਿਲਿਆ।
ਸੀਸੀਟੀਵੀ ਰਾਹੀਂ ਹੋਇਆ ਖੁਲਾਸਾ
ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਸੀਸੀਟੀਵੀ ਚੈੱਕ ਕਰਨ 'ਤੇ ਚੋਰੀ ਦੀ ਘਟਨਾ ਦਾ ਖੁਲਾਸਾ ਹੋਇਆ।ਸੀਸੀਟੀਵੀ ਦੇਖ ਕੇ ਉਹ ਹੈਰਾਨ ਰਹਿ ਗਏ । ਕਿਉਂਕਿ ਹੱਥਾਂ ਵਿੱਚ ਚੂੜਾ ਪਾਈ ਇੱਕ ਔਰਤ ਅਤੇ ਉਸਦਾ ਸਾਥੀ ਐਕਟਿਵਾ ਲੈ ਕੇ ਭੱਜ ਗਏ।
ਭਾਜਪਾ ਆਗੂ ਰਾਜਨ ਦਾ ਕਹਿਣਾ ਹੈ ਕਿ ਉਸ ਨੂੰ ਸ਼ੱਕ ਹੈ ਕਿ ਨਸ਼ੇ ਦੀ ਪੂਰਤੀ ਲਈ ਉਸ ਦੀ ਐਕਟਿਵਾ ਚੋਰੀ ਕੀਤੀ ਗਈ ਹੈ। ਇਸ ਮਾਮਲੇ ਵਿੱਚ ਉਨ੍ਹਾਂ ਨੇ ਕੋਚਰ ਮਾਰਕੀਟ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ